تفاصيل خلاف جمال العدل وخالد النبوي
نورهان عبد الرحمن
روى المنتج جمال العدل، تفاصيل خلافه مع الفنان خالد النبوي، في مسلسل “واحة الغروب”.
قال “العدل” بحلقة مساء الجمعة ببرنامج “السيرة” المذاع على شاشة قناة”dmc” مع الاعلامية “وفاء الكيلاني”إن الخلاف نشب بسبب ترتيب ظهور الأسماء على التتر بمسلسل “واحة الغروب”.
نرشح لك:جمال العدل: نجاح أحمد السقا بفيلم “صعيدي في الجامعة الأمريكية” فاجئني
وعلق قائلا: “طول ما أنت طبال وأنا زمار أكيد الأفراح هتجمعنا هنروح فين من بعض أنا بنتج وهو بيمثل كون أننا متقابلناش مش معناه حاجة، بس هنتقابل فيه ناس كتير غيري بتنتج وناس غيره بتمثل، وأنا وخالد النبوي اشتغلنا مع بعض وزعلت منه وقولت مش هشغله تاني هو تنازل نص أجره وكاملة سابت نص أجرها ومنه شلبي تنازلت عن نص أجرها وأنا دفعت 10 مليون جنية من جيبي مش هاخدهم واحنا اشتركنا في حب حاجة كلنا بنعملها”.
أضاف: “واحة الغروب عمل مهم وأنا عملته وأنا متاكد إنه مش عمل جماهيري ومش هينجح غير عند الصفوة”.
وبالحديث عن خسارته المادية في بعض أعماله قال: “الشغل المظبوط اني أعمل واحة الغروب وأخسر فيه 10 وأعمل مسلسلين أو 3 وأعوض فيهم في نفس الموسم، واني أعمل (مافيا) و(صاحب صاحبه) فـ ده يكلف كتير وده يكسب يشيلوا بعض”.
خلاف حصل بين المنتج جمال العدل والنجم خالد النبوي في مسلسل "واحة الغروب" .. تعالوا نعرف السبب من هنا 👇#السيرة pic.twitter.com/XeaAn1x0vq
— dmctv (@dmctv) September 10, 2021