شيرين رضا ترد على جدل إعلان مهرها من عمرو دياب
نورهان عبد الرحمن
شيرين رضا
ردت الفنانة شيرين رضا على انتقادات مهاجمتها تجهيزات وقائمة الزواج، وقولها بإنها حصلت على مهر 25 قرشًا فقط.
قالت “رضا” في لقاء مع ET بالعربي، عن المبالغة في تجهيزات الزواج: “ازاي الناس بتبذر، ليه ده أنتوا هتبدأوا العيلة بـ 2 بس، ليه أنتوا كأطفال تخلوا أهلكم يدخلوا السجن عشان تتجوزوا”.
نرشح لك: لماذا لم توجه شيرين رضا التهنئة لابنتها نور على الخطوبة؟
وعن مهرها من الفنان عمرو دياب، قالت: “المهر ده حاجة رمزية، غير كده أنا بشوف أنه بيشتريني.. أنا بالنسبة ليا أفضل حاجة رمزية”. مضيفة في سخرية: “ولو مش 25 قرش أوكي أنا موافقة بـ 100 مليون دولار”.
View this post on Instagram
وعن زواج ابنتها نور ورفضها لفكرة الزواج كما أعلنت من قبل، ذكرت: “هي حياتها، أنا كل اللي أقدر أعمله بقولها على التجارب بتاعتي وأرشدها تروح فين بس في الآخر هي لازم تعمل اللي هيا عاوزاه”. مضيفة: “أنا مقولتش إني مش عاوزاها تتجوز، أنا قولت إني عاوزاها تبقى سعيدة”.
كما عبرت عن حبها الشديد للحيوانات موضحة أن الرحمة لا تتجزأ، الشخص الرحيم مع الإنسان من الطبيعي أن يكون رحيما مع الحيوان، متابعة: “الواحد بياكل عشان يعيش مش بيعيش عشان ياكل، طبعا كل واحد حر في حياته لكن أنا مقدرش أموت كائن حي عشان أكله”.
لفتت إلى أنها تمتلك 67 قطة في بيت منفصل و10 قطط وبغبغاء داخل منزلها، مؤكدة على أنها لا تبيع القطط ولكنها تنقذهم، مردفة: “القطط متعلقين بيا وتربيتهم مسؤلية كبيرة جدا ومبسوطة بالمسؤلية دي”.
على صعيد آخر، كشفت “رضا” عن حصولها على الإقامة الذهبية بدولة الإمارات العربية المتحدة ،وعبرت عن سعادتها وذلك لحبها الشديد لدبي.