تامر عاشور: المهرجان لا يعتبر أغنية
نورهان عبد الرحمن
كشف المطرب تامر عاشور عن رأيه في الموسيقى في مصر حاليا، وخاصة المهرجانات، وقال إن هناك انقسام، حيث إنه يوجد أنواع من الأغاني تم طرحها، ولكنه لا يعتبرها أغاني، قائلا: “أنا مبعتبرهاش أغاني، هي كل حاجة ليها اسمها، فيه مهرجانات وفيه أغاني”.
تابع “عاشور” في حواره بحلقة مساء الاثنين في برنامج “الحكاية” المذاع على شاشة “MBC مصر” مع الإعلامي”عمر أديب”: “المهرجانات شباب كويسين وكل حاجة بس في النهاية اسمه مهرجان، ماسموش أغنية”.
نرشح لك: بسمة: جزء من ثقتي بنفسي مفقود بسبب غيابي لفترة طويلة
استكمل: “مقدرش أصنفه إنه يبقى أغنية، لأن الأغنية ليها مقاييس وعناصر كتير قوي علشان تبقى أغنية، ليها كلام ولحن ومزيكا، الناتج السمعي في النهاية بتسمع حاجة بتبسط الناس في الأفراح وتنعنش الجو فده مطلوب مش وحش”.
أكد: “لكنها مش أغنية لأن مفيهاش عناصر الأغنية، يعني لما أنا أروح أسجل مع أوركسترا مثلاً أغنية (بقول عادي) وأجيب 20 كامنجا وواحد يلعب ترومبيت من تركيا وواحد يلعب جيتار من مصر ونغني ونشوف جودة المزيكا طالعة إزاي قبل ما أنا أغني حتى تبقى أغنية اللحن، الكلام، طريقة الأداء دي تبقى أغنية، المهرجان شوية فيه كلام مش متلحن شبه الراب شوية بس على شعبي”.
في سياق آخر، أوضح أن إحساس الهواية يغلب عليه أكثر من الاحتراف مضيفا: “طول الوقت لو بتفكر في هوايتك أكيد هتطلع حاجات أحسن والاحتراف أوقات بيأخر”.
يشار إلى أن تامر عاشور، كان قد طرح مؤخرًا أغنية “نعيش مع بعض”، التي غناها لصالح إعلان مستشفى أيادي المستقبل، أغنية “نعيش مع بعض” من كلمات نور عبد الله، وألحان مصطفى العسال، وتوزيع أحمد حسام وإلهامي دهيمة.
وأغنية “بقول عادي” كلمات أحمد ابراهيم، ألحان سامح جلال.