فيفي عبده: والدي كان مترجم لـ 7 لغات
قالت الفنانة فيفي عبده، إن والدها كان مترجم لسبعة لغات، قائلة: “كان مترجم بيخطفوه خطف أبويا ده، وعيت على ده لما أنا كبرت معاه، لأن أنا كنت يسافر معاه هو”.
تابعت “عبده” خلال لقائه مساء أمس الخميس، في برنامج “السيرة” المذاع على قناة “dmc”، وتقدمه الإعلامية وفاء الكيلاني، أنها سافرت مع والدها أكثر من دولة وهي صغيرة، موضحة أنها سافرت إلى العراق.
نرشح لك: فيفي عبده: “كل شنطة في البيت بلاقي فيها عمل”
استكملت: “هو كان بيترجم في مصر، شغله، بس لما كنت بسافر أنا مقدرش اسافر كنت لوحدي، ده لما اشتغلت بقى”.
أردفت: “كان بيترجم 7 لغات، مش عارفة بقى إنجليزي ولغات تانية، ده اللي أنا عرفته إن أبويا بيترجم لغات، مثلا زي بتوع خان الخليلي دول عارفين لغات، بتوع الجمال، يعني مثلا أبويا يقرا كويس جدا لكن ميكتبش”.
على صعيد آخر، تعرضت فيفي عبده، مؤخرًا لهجوم شديد من الجمهور بعد نشرها صورة لها بملابس صيفية وهي في الساحل الشمالي، خاصة بعد وفاة الفنانة دلال عبد العزيز، حيث نشرت عبر حسابها الرسمي على موقع “إنستجرام” صورة لها في الساحل الشمالي بملابس زاهية معلقة: “يا مساء الفل من الساحل الشمالي أنا زعلانة وقلبي بيوجعني وربنا اللي عالم”.
وجاءت موجة من الانتقادات على الصورة في التعليقات حيث قال أحدهم: “عيب عليكي دلال لسه ميته”، وقالت أخرى: ” دي منظر وحده زعلانه..دي منظر فوفا وهيا بتستجم. ينهر احمر”، وعلقت ثالث: ” لا واضح الزعل حقيقي”.