لماذا اختارت نيللي كريم أمريكا لقضاء شهر العسل؟
نورهان عبد الرحمن
ردت الفنانة نيللي كريم على شائعة مشاركتها في الغناء بأغنية “النار القايدة” وتحدثت عن أول دور تمثيل يقدمه زوجها.
قالت “كريم” في مداخلة هاتفية مع “ET بالعربي” اليوم إن سبب سفرهم لأمريكا هو كالآتي: “هشام كان قاعد فيها 10 سنين وعنده صحاب كتير هناك وأنا أخويا عايش فى أمريكا أصلًا وعندي صحاب بردو، فطلعنا بردو كان عايز يشوف صحابه وعنده حاجات كتير عاوز يخلصها وأنا بقالي فترة الصراحه مسافرتش كفسحه فقولنا فكرة لطيفة”.
نرشح لك: أصالة لـ زوجها: بيحق لنا نفرح
وعلقت على مقطع الفيديو الذي ظهر فيه زوجها وهو يغني لها أغنية “خليني معاك” بعد عودتهما من شهر العسل قائلة: “كنا لسه راجعين من أمريكا وهو بيحب يغني”.
وعن تشجيعها لزوجها لدخول عالم الغناء أوضحت: “لأ هشام مش عايز يغني ومش في دماغه الغنا خالص وهو بيغنيلي أنا بس”.
وردت ” كريم” على شائعه مشاركتها غناء أغنية “النار القايدة” مع رامي عاشور، قائلة: “أنا بشجع رامي بقلبي والمكتوب على السوشيال ميديا غلط إحنا بنشاركه بنشجعه وأنا مبعملش كليبات”.
أمًا بالنسبة لصعودها المسرح والغناء مع الفنان مصطفى قمر قالت: “أنا بحب مصطفى جداً وبالصدفة كنا موجودين هناك بالساحل ومصطفى كان موجود فشافني تحت وأنا كنت بسلم عليه طبعاً بس وطلعت فوق واحنا عملنا فيلم حلو أوي اسمه (حبك نار) وذكريات حلوة وأغاني الفيلم كانت حلوة أوي بصراحة يعني”.
على صعيد آخر، بالنسبة للدور الأول الذي قدمه زوجها هشام عاشور في مسلسل “حرب أهلية” الذي تم عرضه في رمضان الماضي، قالت: “أنا شايفة إن هشام عنده موهبة التمثيل هايلة جداً هو دمه خفيف أوي وارتجالي ودي حاجات مثلاً حتت الارتجال دي مش موجودة عندي بقوله دايماً أنت عندك حاجات أنا مقدرش أعملها”، مضيفة: “وبعدين وقت الكورونا ده درس تمثيل وحضر كورسات ومثل في فيلم أمريكاني هو عنده خبرة هو يمكن جديد في السوق السينمائي المصري الأمور هتمشي إزاي محدش عرف ولو فيه دور لينا إحنا الاتنين ماشي ويا ريت يبقى كوميدي”.
أضافت: “حبيت الإسكواش حب غير طبيعي أنا بروح أتمرن الصبح ساعات كدة بليل بقوله تعالى نروح نتمرن عشان بحب الإسكواش وبالتحديد بحب أتفرج لما هشام بيمرن ده حقيقي وهو انبهر بيا لدرجة بقوله كل مرة أنا خلاص بقيت قوية بهزر طبعاً وقولتله أنا هروح ألاعب نور الشربيني”.
يذكر أن أن الفنانة نيللي كريم احتفلت بزفافها من هشام عاشور، لاعب الإسكواش الدولي السابق، في الساحل الشمالي أغسطس الماضي، بحضور عدد كبير من نجوم الفن والغناء، أبرزهم: عمرو دياب، هالة صدقي، إلهام شاهين، محمد فراج، بسنت شوقي، وأكرم حسني، وسافرت بعدها لنيويورك لقضاء شهر العسل.
وعلى صعيد آخر، شاركت نيللي كريم في مسلسل “ضد الكسر”، الذي عُرض رمضان الماضي 2021، بطولة لقاء الخميسي، مصطفى درويش، محمد فراج وتارا عماد وغيرهم، سيناريو وحوار مدحت العدل، وإخراج أحمد خالد، وإنتاج العدل جروب.