شاهد.. حسن الرداد يتسلم تكريم سمير غانم ودلال عبد العزيز
دنيا شمعة
تسلم الفنان حسن الرداد، جائزة تكريم الفنان الراحل سمير غانم والفنانة الراحلة دلال عبد العزيز، بمهرجان الفضائيات العربية، نيابة عن دنيا وإيمي سمير غانم.
صرح “الرداد” خلال تسلمه التكريم، مساء أمس السبت، أنه سعيد بالتذكر الدائم للجمهور للراحلين سمير غانم ودلال عبد العزيز، وسؤالهم عن دنيا وإيمي ودعائهم لهم بالصبر والقوة، معلقا: “ببلغ اعتذار إيمي ودنيا إنهم مقدروش ييجوا، وببلغ شكرهم وامتنانهم لإدارة المهرجان على التكريم.. كنت أتمنى إن أستاذ سمير وحماتي وأمي دلال عبد العزيز يكونوا هما اللي بيستلموا التكريم وأنا قاعد وسط الحضور، مبسوط بكل الحب اللي في قلوب الناس اللي شوفناه سواء بسؤالهم على السوشيال ميديا أو اهتمامهم بينا وخوفهم علينا”.
نرشح لك: حكاية “بيت عز”.. لتعرف كيف تكون أبًا
أضاف: “الواحد كان بيقابل ناس في الشارع وبيحس بحبهم ودعمهم وسؤالهم وخوفهم على إيمي ودنيا، وعاوز أقولهم إيمي ودنيا إن شاء الله بدعمكم يرجعوا تاني لشغلهم ويكملوا مسيرة أهلهم العظيمة اللي كلنا فخورين بيها، وفي النهاية بدعيلهم بالمغفرة والرحمة، وهما أكيد في مكان أحسن وهيفضلوا في قلوبنا طول العمر”.
View this post on Instagram
View this post on Instagram
كان الفنان حسن الرداد، شارك الجمهور مؤخرا بعدة صور جمعته بزوجته الفنانة إيمي سمير غانم، قبل وفاة والديها الفنانين الكبيرين سمير غانم، ودلال عبد العزيز.
نشر “الراداد” الصور عبر حسابه على موقع “فيس بوك” وعلق عليها كاتبا: “مفيش أصعب من فقدان أعز الناس لأي حد، وفقدان الأب و الأم مرة واحدة أصعب صدمة ممكن الواحد يتعرض لها في حياته”.
تابع: “بس لازم يصبرك عشق الجمهور لوالدك النجم الكبير اللي عشقته ملايين الناس في الوطن العربي كله ووالدتك الفاضلة اللي أعمالها في الخير ومساعدتها لكل محتاج يشهد عليها كل الناس”.
اختتم: “إن شاء الله يا حبيبتى ربنا يصبرك وترجع ضحكتك الحلوة تاني تنور الدنيا وترجعي لشغلك وجمهورك الكبير المحترم يا أحلى زوجة وأجمد كوميديانة في مصر كلها”.