أستاذ جراحة مخ وأعصاب يحذر من استخدام الأطفال للمحمول
بسملة سعودي
استخدام الأطفال للمحمول
تحدث الدكتور أشرف عبد المنعم، أستاذ جراحة المخ والأعصاب بكلية الطب جامعة المنصورة، عن أضرار الهواتف على الأطفال.
قال “عبد المنعم”، خلال مداخلته الهاتفية ببرنامج “مساء dmc” مع الإعلامية چاسمين طه، أن هناك نوعين من الأشعة موضحا: “في نوعين من الأشعات، أشعة مهينة وأشعة غير مهينة، الأشعة المهينة دي اللي بنستخدمها في العلاج وده لما الإنسان بيتعرض له في فترة من الفترات ممكن يأثر في الحمض النووي للخلايا وبالتالي هيؤدي إلى حدوث سرطانات، كم الأشعة اللي بتبقى صادرة من المحمول هي أشعة غير مهينة زي الراديو، فبالتالي مفيش أبحاث قالت إن الأشعة دي ممكن تؤثر على الإنسان وتؤدي إلى حدوث سرطانات، قد يحدث في المستقبل إن الكلام ده يتغير”.
نرشح لك: طبيب نفسي: استخدام الهواتف يؤثر على القدرة الدماغية للطفل
تابع: “لكن لها تأثيرات أخرى زي الزغللة في العين أو صداع أو آلام في الأذن، حك أو حرقان في الجلد، زيادة الرغبة في النوم، إرهاق بعد استخدام التليفون لفترة طويلة”.
أضاف أن هناك عوامل مؤثرة لحدوث هذه التأثيرات موضحا: “أول حاجة بعد التليفون عن جسم الإنسان، كل ما كان التليفون بعيد كل ما كانت التأثيرات بتاعته أقل، الحاجة التانية بعد التليفون عن المحطات الخاصة بتقوية المحمول، الحاجة التالتة معدل امتصاص الجسم نفسه للأشعة المسموح به 1.6% واط لكل كيلو جرام، لو زاد عن كده بيبقى خطر، الحاجة الرابعة مدة لمحادثة نفسها”.
أوضح: “الجسم نفسه بيمتص الإشعاع بس له نسبة مسموح بها، المسموح بها هي نسبة 1.6% واط لكل كيلو جرام، لو زاد عن كده بيبقى خطر المحمول أكبر”.
وأشار إلى أن هناك خطر على حياة الأطفال من خلال أشعة المحمول موضحا: “الأطفال بيبقى عندهم مشكلتين، مشكلة إن الخلايا بتاعتهم بتبقى لسه بتتجدد وبالتالي ممكن أشعة المحمول تأثر عليه، الحاجة التانية إن العضم نفسه بتاع الأطفال بيبقى أقل سمك من عضم الكبار، بالتالي كلما كان سٌمك العضم كبير هيبقى أحسن من سُمك العضم القليل وده اللي بيحصل مع الأطفال، عشان كدة احنا بنحذر دايما الحوامل من استخدام المحمول”.
فيما تحدث عن الإرشادات التي يجب اتباعها للحماية من هذه الأشعات قائلا: “أول حاجة بعد الجهاز عن ودني ممكن أستخدم السماعات، في حالة عدم استخدام السماعات تغلق، تاني حاجة في أماكن مينفعش فيها استخدام المحمول زي الاسانسير أو الطائرات”.