بالكلمات.. أغنية فيلم "عروستي" لـ شارموفرز
دنيا شمعة
طرح فريق شارموفرز منذ قليل، الأغنية الرسمية لفيلم “عروستي”، والتي تحمل نفس اسم الفيلم، عبر قناتهم على “يوتيوب”.
الأغنية من كلمات وألحان وتوزيع أحمد بهاء، وإنتاج موسيقي محمد العرقان، وجيتار محمد عادل، وأورج فادي بدر، وساكسيفون محمد لبيب.
نرشح لك: أستاذ طب نفسي: أكثر من 50% من المنتحرين مرضى نفسيين
وجاءت كلمات الأغنية كالتالي:
ايه ده هو انتي جيتي؟
مكنتش مستني بس انتي بجد بهرتيني
ايه ده انتي خلاص my lady
وكل ما تيجي أيوة هحبك من تاني
داخلة العروسة.. ماما رقعت زغروطة
خلاص سلموهالي في إيدي وكل حاجة مظبوطة
جاية وحاطة الحنة.. كل الناس هتجلنا
ومسحت كل إكساتي ولا واحدة عارفة حاجة عن حياتي
قالوا الجواز بطيخة يا إما حمرة يا إما قرعة
بقت بسيطة وصريحة وأنا سايبها على الله
طب ليه مش زي المانجو وتبقى عويس أو سكري فص
قبل الhoney moon أنا هظبط نفسي وأخس النص
إحنا مش جوازة صالونات.. واللي يخش بيننا يتشاط
أصل انتي كاريزما أول ما شوفتك نسيت كل البنات
ايه ده هو انتي جيتي؟
مكنتش مستني بس انتي بجد بهرتيني
ايه ده انتي خلاص my lady
وكل ما تيجي أيوة هحبك من تاني
فيلم “عروستي” من إخراج محمد بكير، وتأليف مصطفى البربري، ومن بطولة أحمد حاتم وجميلة عوض يشارك في بطولته صابرين، محمود البزاوي، فاتن واصل، زينب غريب، مروان يونس وندى أكرم، وعدد من ضيوف الشرف ويتولى التوزيع الداخلي للفيلم سينرجي فيلمز.
يشار إلى أن العرض الخاص لفيلم “عروستي” أقيم مؤخرا، وحضر العرض العديد من الفنانين أولهم أبطال الفيلم جميلة عوض وصابرين وزينب غريب.
وغاب الفنان أحمد حاتم عن العرض الخاص، لوجوده خارج مصر، بينما شهد العرض حضور أبطال وصناع الفيلم وفنانين آخرين.
لكن شارك أحمد حاتم أبطال الفيلم أجواء العرض الخاص، حيث شاركهم من خلال بث مباشر عبر حسابه الشخصي على موقع تبادل الصور والفيديوهات إنستجرام.