أبرز تصريحات الرئيس "السيسي" خلال افتتاح محطة معالجة مياه مصرف بحر البقر

افتتح الرئيس عبد الفتاح السيسي، قبل قليل، محطة معالجة مياه مصرف بحر البقر.

وخلال الافتتاح ألقى كلمة حول أعمال التنمية والتطوير وعلاقتها بمواجهة الإرهاب، وتحدث عن التعديات على أراضي الدولة ومدى خطورتها.

نرشح لك: أبرزها عن فترة قيادته.. 10 تصريحات للرئيس “السيسي” عن المشير طنطاوي

وجاء أبرز تصريحاته كالآتي:

1- اللي هيتعدى ويعمل إجراء مش مظبوط على أراضي زراعية أو على ترع ومصارف يقف الدعم اللي بيقدم له من جانب الحكومة لحد ما التعدي ده ينتهي.

2- زي ما احنا حاطين 700 مليار جنيه عشان نخلي حياة كريمة للناس والدولة بتجري بمنتهى القوة عشان تسعد الناس كلها، هيبقى مش مقبول يطلع حد من عندنا يتعدى

3- فكرة إن احنا كمواطنين نتعدى على ده وكحكومة نسكت على ده.. ده أمر مش ممكن نقبله، لا ده وزارة الداخلية والمحافظة ولو القوات المسلحة محتاجينها كل الكلام ده لازم خلاص خلال 6 شهور أخد تمام إنه اتشال.. احنا مش هنتحايل على حد!

4- زي ما بنعمل تبطين للترع وإجراءات فوق الخيال، يبقى أنا مش هقبل إن حد يتعدى على قدراتنا عشان نحسن أحوال الناس.. 6 شهور وألاقي الجسور دي متظبطة زي الكتاب ما بيقول وإن تطلب الأمر نزول الجيش.. ينزل الجيش

5- هتتشال كل حاجة غلط فيكي يا مصر.. طول منا موجود في مكاني ده

6- عشان شغال في القطاع ده عدد كبير من سكان مصر وده أمن قومي، لأن في النهاية المحاصيل اللي بتنتج يا إما تكفينا يا إما نكمل من برا ونستورد بالدولار ويبقى عبء على مواردنا

7- كمان عندي ناس بتشتغل لما اتعدى على أرض زراعية أو تبور منه الأرض نتيجة نقص المية.. نقص المية هنا مش إن المقرر ليا هتقل لا ميتنا مفيش كلام فيها.. لكن أنا بنتكلم إننا نحسن جودة وكفاءة النظم بتاعة المية

8- زي ما بنعمل تبطين للترع وإجراءات فوق الخيال.. اللي بيتعمل في مصر فوق الخيال؛ يبقى أنا مش هقبل إن حد يتعدى على قدراتنا عشان نحسن أحوال الناس.

9- أي ممارسات سلبية مش هتبقى مقبولة.. مبعرفش أطنش.. لو كنت بعرف أطنش كنت طنشت 2011 و2012 و2013 وسبت البلد دي للمجهول، وبقول كده لأي مسئول في مصر.. لو سمحت متسكتش على الغلط عشان مصلحة البلد دي.

10- عرفتوا ليه الإرهاب في سيناء! عشان ده ميتعملش.. الحرب حربين؛ حرب ضد الإرهاب وحرب ضد البناء، في سيناء كل خطوة بنعملها محتاجة تأمين؛ لأنه صراع ما بين الإرهابيين الأشرار والتنمية في سيناء

11- يا مصريين شوفوا الحاجة بتتعمل إزاي؛ عايزكوا تفرحوا بقدراتكم وتفرحوا باللي بيتعمل.. اللي بيتعمل ده والله العظيم حلم وكرم كبير من ربنا علينا

12- من غير ما حد يدخل.. شيل التعدي من على المنشآت، لو مشلتوش.. هنشيله وهندفعك تمن شيله؛ مش هنشيله كده ببلاش لا لا

13- أنا مفيش بيني وبين حد خصومة.. أنا بيني وبين الباطل والشر والتعدي والظلم خصومة.

14- أي حد بيقول لي انت ليه بتحط نفسك في المجالات دي ما تسيبهم!.. لا مش هنسمع الكلام ده، البلاد مبتجيش بالدلع والطبطبة البلاد بنتيجي بالجدية والعمل والانضباط والالتزام، ولازم كلنا نبقى مقتنعين بكده