سلوى خطاب تكشف تفاصيل مسلسل "أيام وبنعيشها"
نورهان عبد الرحمن
كشفت الفنانة سلوى خطاب عن الشخصية التي تجسدها في مسلسل “أيام وبنعيشها”، وقالت إنها تتناول الدور من وجهة نظرها، وكما ورد بالنص، مضيفة أنها تتناقش كثيراً مع المخرج ومع المؤلف.
تابعت “خطاب” خلال لقائها مع “ET بالعربي“: “بس عاجبني النص، هو عبارة عن شارع وفيه أنماط مختلفة وعلاقات مختلفة، هنشوف عائلات كتير بمشاكلهم وبعلاقاتهم ببعض والدور لما تشوفوه احكموا”.
نرشح لك: تفاصيل دور حورية فرغلي في مسلسل “أيام وبنعيشها”
أوضحت أن قصة المسلسل شعبية، وأنها دائما تقدم الشعبي بطريقة مختلفة في الشكل وطريقة الكلام، موضحة: “برضو بيبقى فيها مغامرة وبتحدى نفسي، أنا عملت شعبي قبل كدة، طب هتعملي أيه بقى في الدور ده؟ أنا بحب الأدوار الشعبية لإن فيها شغل أكتر، وعمق أكتر، لإن مشاكل الناس العادية أبسط كتير قوي من المشاكل اللي بتواجه الطبقة الشعبية”.
في سياق آخر، قالت عن مسلسل “منورة بأهلها”: “بشتغل مع الأستاذ يسري نصر الله مخرج، وأول مرة اشتغل معاه، وطبعاً أستاذ من طراز فريد وحاسة إن أنا هعمل معاه شغل جميل”، مضيفة: “محمد أمين راضي محدش بيمرمطني في التمثيل قده، بيعملي امتحان تمثيل، ودايما أقوله هو أنت بتمتحني، ده أنا في المعهد معملوش فيا كدة”.
أردفت: “بيجيبلي أدوار صعبة، ويقول شعر مش عارف أيه!، أقوله يا عم ارحمني، هات واحدة في شرم الشيخ من اللي بتقول (هاي) وخلاص، دايماً مخترني لأدوار المرمطة”.
مسلسل “أيام وبنعيشها” تأليف سماح الحريرى وإخراج محمد أسامة، وبطولة شيرى عادل، حورية فرغلي، وأحمد صفوت، وسلوى خطاب، وميدو عادل، ومحمود حجازى، ورياض الخولي، وندا موسى، وحجاج عبد العظيم ولقاء سويدان، وسماح السعيد، وتدور أحداثه في 45 حلقة فى إطار شعبي للعرض خلال الموسم الشتوى المقبل.