شاهد.. بلاغ على الهواء من عمرو أديب ضد شركات الترويج العقاري
تقدم الإعلامي عمرو أديب ببلاغ للمسؤولين بسبب اتصالات الشركات العقارية. مردفا: “بلاغ أو رجاء للجهة المسؤولة، وأنا معرفش مين الجهة اللي المفروض تتصرف”.
تابع “أديب” خلال تقديمه برنامج “الحكاية”، مساء الجمعة، عبر شاشة “mbc مصر”، أن الشركات العقارية تتصل بالمواطنين بإلحاح شديد لعرض خدماتها، متابعا: “إحنا اتبعنا كلنا في مصر بأرقام تليفوناتنا لشركات ترويج عقاري”.
نرشح لك: عمرو أديب لمن يصف أخبار الجونة بـ”التافهة”: بتجيب 2 مليون قراءة
أضاف: “هل إحنا أرقام تليفوناتنا المفروض تتباع كده؟! دي مش شركة واحدة دا ممكن في اليوم يكلمك 20 أو 30 شركة.. فتفضل في حالة إزعاج، ودا ممنوع في العالم كله، ومينفعش نتباع.. معرفش مين بايع نمرنا ومينفعش نتباع لشركات”.
أشار إلى أنه لا يمكن لشخص شراء شقة سكنية من خلال اتصال هاتفي، مردفا: “يعني أنت متخيل أنا كعمرو أديب هشتري فيلا على التليفون؟! المفروض في جهاز ما يمنع هذا الأمر إحنا تليفوناتنا مش للبيع ولا بياناتنا الشخصية، مصر كلها بيتعمل فيها الكلام دا ومينفعش شخص يتحكم في حياتنا”.
كما وجه رسالة لموظفي تلك الشركات، قائلا: “اللي فهمكم أن العقارات بتتباع على التليفون دا راجل غلطان، العقارات مبتتبعش على التليفون، عشان تدفع مبلغ وقدره في عقار مش بيبقى على التليفون”.