عمرو أديب: أرقام تليفوناتنا في مصر اتباعت لشركات الترويج العقاري
انتقد الإعلامي عمرو أديب، تسريب البيانات الشخصية للمواطنين بهدف تسويق العقارات عن طريق الاتصالات الهاتفية.
قال “أديب” خلال حلقة مساء السبت من برنامج “الحكاية” الذي يقدمه عبر شاشة mbc مصر، إن أرقام الهواتف والبيانات الشخصية تم بيعها للشركات العقارية، حيث علق: “نمر تلفوناتنا في مصر اتباعت لشركات ترويج عقاري.. هل أرقام تليفوناتنا المفروض تتباع كده ؟!”.
نرشح لك: شاهد.. بلاغ على الهواء من عمرو أديب ضد شركات الترويج العقاري
تابع:”ده انت ف اليوم بيكلمك 20 أو 30 شركة واللي بيفشل بيباصيك لزميله فتفضل على مدى اليوم في حالة إزعاج.. ده يا جماعة ممنوع في العالم كله، من أول ما بيرن بيقولك إن ده إعلان، ومينفعش إننا نتباع لشركات.. خلصنا من شركات التنظيف اللي كانت بتبعت لنا مسدجات والموضة دلوقتي الترويج العقاري”.
في نفس السياق، طالب المسئولين بضرورة التصدي لهذه الظاهرة، حيث قال: “المفروض في جهاز ما يمنع هذا الأمر احنا تليفوناتنا مش للبيع ولا بياناتنا الشخصية واللي قال لكم إن ممكن في عقار يتباع على التليفون ده راجل غلطان”.