بعد جدل الفستان.. نجلاء بدر: الراجل ميقولش لمراته تلبس إيه
تحدث الفنانة نجلاء بدر عن زوجها، وكيف غيرت خططها وطموحاتها حول الزواج بسببه، موضحة أنها لم تكن تتوقع أنها ستتزوج من رجل سبق له الزواج من قبل، بل ولديه طفل أيضا.
أضافت نجلاء خلال حوارها مع الإعلامية إنجي علي في برنامج “أسرار النجوم“، على إذاعة نجوم إف إم، أنها ترى أن السن المناسب للزواج من 28 إلى 36 عاما، قائلة: “مكنتش متخيلة إني هتجوز زوجي الحالي، كان هو متجوز ومخلف وأنا كنت في حتة تانية، كل خططي حصل عكسها، الزواج على كبر مخليني أنضج، صحيح أنا اتأخرت شوية بالنسبة للخلفة، بس كويس إني متجوزتش في العشرينات.. لذلك دايما بقول السن المناسب للزواج من 28 لـ 36 سنة”.
نرشح لك: بعد جدل فستان الجونة.. نجلاء بدر: أنا شماعة في الآخر
وعن جدل الفستان الذي ظهرت في حفل افتتاح مهرجان الجونة السينمائي، قالت نجلاء إن زوجها أصر على الحضور معها باقي أيام المهرجان، دفاعا عنها، مضيفة: “في ناس افتكرت إن جوزي مش هيظهر معايا في المهرجان بعد جدل الفستان، لكنه أصر يكون جنبي وقالي أنا لو مش هقدر أدافع عنك يبقى أنا مش راجل”.
تابعت: “في رجالة تقولك لا أنا مش هنزل مراتي لابسه كده، لا أنا يعجبني الراجل اللي يقولك البسي اللي أنتي عاوزاه وأنا كفيل إني أحميكي، اللي بيقولك متلبسيش ده عشان مش هيقدر يحميكي، إنما الراجل الحقيقي يقولك اعملي اللي عاوزاه في وجودي”.
