مي كساب تنفي طلاقها: عاوزين تطلقونا ليه.. اتقوا الله

محمد عبد المنعم

عبرت الفنانة مي كساب، عن استيائها من ترويج شائعات طلاقها، مؤكدة على أن الجمهور أرقى من أولئك اللذين يروجون الشائعات.

كتبت “كساب” عبر حسابها الرسمي على موقع تبادل الصور واليديوهات “تويتر”: “زهقت منكم بجد مش عارفة عاوزين تطلقونا ليه، يخرب بيت التريند على الريتش اللي من يوم ما طلع ما شفناش خير، اتقو الله أنا عندي ٣ عيال وأهل بيزعلو علينا، وجمهور أرقى منكم برضو بيزعل علينا ربنا يشفي بجد”.

نرشح لك: بعد إصابتها بـ كورونا.. مي كساب: التزموا عشان صحتكم

فسر البعض منشور طرحته مي كساب عبر حسابها على موقع “إنستجرام”، بأنه وقع طلاق بينها وبين زوجها، وكانت قد كتبت فيه: “الكام يوم اللي فاتو كانو أطول مدة أقعدها لوحدي في حياتي وبعترف شفت الحقيقة الكاملة، حقيقة نفسي، حقيقة كل حاجة حواليه، وعرفت قيمة كل حاجة وندمت على كل لحظة ظلمت فيها نفسي أو ظلمت حد من اللي بحبهم وبيحبوني”.

تابعت: “اللي بتكتب دلوقتي مي بس بتاعة 2010 بس بمخ العشرين سنة اللي اشتغلت فيهم ونجحت وأخفقت بسبب ظروف وأوضاع اتفرضت عليه بس الحمد لله راضية تمام الرضا علي كل ابتلاء وكل مشكلة اتحطيت فيها لأن في الآخر ربنا سبحانه وتعالي كان بيحلهالي في الآخر عشان أقدر نعمة أنا عدي عليه ١١ سنة صعبين جدا”.

أضافت: ” يمكن القريبين مني عارفين أنا استحملت إيه وواجهت إيه أنا مسحت كل لحظة مش عاوزة أشوفها تاني عشان بتفكرني إني كنت مش أنا وسببت كل لحظة وكل صورة بتعبر عني وعن اللي جوايا وعن أكتر حاجات مأثرة جوابا كفنانة وكإنسانة ومسحت كل صوري العائلية ولو إن دي مش أنا لحد ما أرجع أنا وأسجل لحظاتي الحلوة مع عيلتي الجميلة أكبر نعمة من رب العالمين جوزي وأولادي وأهلي وأصحابي وزملائي رفاق الرحلة الأوفياء الصادقين السند والضهر اللي خلاني أعرف أعدي الـ ١١ سنة دول”.

اختتمت: “بعترف (عقبال عوضك) كان عوضي الفني والإنساني بعد صبر ١١ سنة حبيت أفضفض معاكم وأطلع اللي في قلبي عشان دي أنا بحكي اللي جوايا عشان نيتي بتكون إن اللي مريت بيه يكون مفيد لغيري ويتعلم منه حاجه تأثر فيه وتغيره للأحسن وبإذن الله العلي الكريم أنا هأرجع أنا وهحارب وأقاوم كل روح شريرة وكل طاقة سلبية أثرت عليه في السنين اللي فاتت وربنا يقدرني وأكون إنسانة صالحة وفنانة صاحبة رسالة وأكون خير في الدنيا بحبكم من قلبي وحقيقي حبكم ليه هوه الحياة”.

كانت الفنانة مي كساب ظهرت في لايف عبر إنستجرام إعلام دوت كوم مؤخرا وحاورتها مروة طلعت، وتحدثت عن نجاح حكاية عقبال عوضك التي انتهى عرضها مؤخرا عبر قناة cbc، ولاقت صدى طيبا لدى الجمهور.

حكاية “عقبال عوضك”، ضمن حكايات مسلسل “زي القمر”، من بطولة مي كساب وهالة فاخر ومحمد جمعة وإيمان السيد وأحمد جمال سعيد، وإخراج معتز حسام، وتؤدي “كساب” خلال الأحداث شخصية فتاة تُدعى شادية تعمل مدرسة رياضيات وتعيش مع والدتها المصابة بالزهايمر وهي الفنانة هالة فاخر، بعد زواج شقيقيها الاثنين ووفاة والدها، وتشعر بالوحدة بسبب تأخرها في الزواج.

 

أحمد جمال سعيد إنستجرام رئيسية زي القمر عقبال عوضك معتز حسام مي كساب مي كساب تنفي طلاقها نيوز ليتر هالة فاخر