سليمان عيد يروي تفاصيل تصويره مشهد صامت أعاده 17 مرة
دنيا شمعة
روى الفنان سليمان عيد، تفاصيل تصويره لمشهد ظهر فيه بدور صامت، تم إعادته 17 مرة.
قال “سليمان” خلال لقائه مع برنامج “سهرانين” مع الفنان أمير كرارة، أمس الأربعاء عبر شاشة “on”: “كنت شغال مع الأستاذة إنعام محمد علي، وكان مشهد مع صلاح قبيل وأنا عامل دور واخد شغال عنده معندوش طموحات، وأنا أول يوم رايح أشوف كاميرا وأصور ودي حاجة تخوف، وهي كانت حطالي المشهد الصامت في الأول وأنا كنت مانمتش”.
نرشح لك:محمود الليثي عن أغنيته المنتظرة: رسالة لكل واحد مش سالك
ضاف: “صورت للساعة 4 العصر، وكل ده بشرب شاي وقهوة وسجاير.. المشهد كان عبارة إني ماسك صينية وعليها 16 كاس، وبعدي على اللي قاعدين وهما بيتكلموا، مرة الصينية تقع ومرة أتكعبل في السجادة.. لحد ما بتاع الإكسسوار زعقلي وقالي انت جايبينك منين”.
استكمل: “سمعت مدام إنعام بتقول خلاص شوفوا حد تاني، فطلعلتها قعدت أترجاها وأقولها آخر مرة، وبالفعل عملته، ووأنا داخل تاني يوم سمعت واخد بيقول تصدق الواد اللي قعدنا امبارح 4 ساعات ده هيعمل مشهد كبير النهاردة ويتكلم، قام واحد رادد قاله يا نهار أسود”.
يشار إلى أن الفنان سليمان عيد شارك مؤخرا في فيلم “الإنس والنمس”، الفيلم من بطولة محمد هنيدي، منة شلبي، صابرين، عمرو عبد الجليل، بيومي فؤاد، عارفة عبد الرسول، محمود حافظ، دنيا ماهر، شريف الدسوقي، وقصة وإخراج شريف عرفة، وسيناريو وحوار شريف عرفة وكريم حسن بشير.
تدور أحداث الفيلم حول شخصية “تحسين”، الذي يجسده الفنان محمد هنيدي، والذي يعمل مديرا لبيت الرعب في مدينة ملاهي ليتعرض لحادث حيث يقابل “نارمين”، التي تجسدها الفنانة منة شلبي، ويقع في حبها لتدعوه بعدها لمقابلة عائلتها، ويكتشف بعدها أنهم جميعا من الجن.