لطفي لبيب: "كلمة هعتزل مخرجتش مني"
يارا سامي
رد الفنان لطفي لبيب، على شائعة اعتزاله الفن، التي انتشرت خلال الساعات الماضية، قائلا إنه لم ينطق بكلمة الاعتزال ولم يصرح بذلك.
قال “لبيب” خلال مداخلة هاتفية مع برنامج “مساء dmc“، مساء الأحد، على قناة “dmc”: “كلمة هعتزل دي مخرجتش مني.. مفيش فنان بيعتزل، ولو جالي شغل على قد صحتي هشتغل”.
نرشح لك: لطفي لبيب: كنت من أوائل الكتائب اللي عبرت في حرب أكتوبر
تابع: “كنت بشتغل 20 ساعة في اليوم، لكن دلوقتي ممكن اشتغل ساعتين بس في الأسبوع على قد صحتي، وعارف إني أصيبت بجلطة حددت إمكانياتي والمخرج اللي بيستغل طاقتي البسيطة دي بوافق”.
أضاف: “مفيش ممثل بيعتزل لكن فيه إمكانيات صحية قادر أو غير قادر أو على قدي، وأنا أذكر أن الأستاذ كمال الشناوي عمل مسلسل وهو على كرسي متحرك”. مردفا: “أنا بحب التمثيل والناس وجمهوري، فصعب عليا الانسحاب بهذا الشكل”.
وعن حالته الصحية، قال: “أنا كويس وبعمل علاج طبيعي، لكن إيدي اليسرى وقدمي مبيتحركوش والنتائج فيها تحسن، ولكن أنا غير زمان”.
كان الفنان هاني رمزي وجه رسالة لـ لطفي لبيب عبر حسابه على “إنستجرام”، كاتبا: “أملنا في ربنا كبير أنه يتمم شفاك على خير وترجع للفن ولمعجبينك اللي بيتمنوا يشوفوك تاني على الشاشة.. أنت في قلوبنا يا عم لطفي وكلنا بندعيلك”.
فيما كتب محمد ممدوح: “ربنا يديك الصحة يا عم لطفي وتعمل اللي أنت عايزة في أي وقت.. المجال هيخسر كتير أوي من غيرك والله”.