زوج منة عرفة عن جدل الانفصال: كان فيه سوء تفاهم

يارا سامي

علق محمود المهدي، زوج الفنانة الشابة منة عرفة، على الجدل الذي أثير مؤخرا، بعد انتشار أنباء انفصالهما.

كتب ” المهدي” عبر خاصية القصص القصيرة على حسابه الشخصي على موقع التواصل الاجتماعي “إنستجرام”: “الحمد لله دائما ثقتي في ربنا كبيرة، وشكرا لكل واحد اتمنى الخير لينا ربنا يردها لك أضعاف والعكس لكل واحد شمت، ربنا يردها لك أضعاف الأضعاف”.

تابع في ستوري أخرى: “غصب عني عدم ردي على الرسائل والاتصالات، الفترة دي مشغول في تصوير، وإن شاء الله الأخبار الجاية كلها خير، واستنوني في فيلم الفرصة قريب وفيلم 666 وفيلم رحلة دم، قريباً الإعلان عنه ومسلسل فيلا 101 بنصور فيه، وكل واحد اتمنى لي التوفيق وقال كلمة كويسة بتمنالك الخير اللي أنت اتمنتهولي”.

نرشح لك: زوج منة عرفة: أرفض تمثيلها لمشاهد قبلات وأحضان

أكمل: “كنت قايل إني هوضح لكم الأسباب، موضوع راجل شرقي الناس بتتكلم من قفاها تقريباً محدش فاهم حاجة، كان في سوء تفاهم في مشهد من مسلسل ۱۰۱ مع الفنان محمد نجاتي، وحد معين حب يوقع الدنيا ووصل الموضوع ليا غلط وانا طبعا كراجل رافض أي مشاهد تمس كرامتي كراجل زي ممثلات كتير بتعمل أدوار محترمة مش كله زي بعضه، ومنة متفهمة الكلام ده ومحافظة على كرامتي وميخصنيش أي حاجة قديمة يهمني وقت ما عرفت منة فقط وبالنسبة لبوست البطيخ ده مكنش لمنة، كان لشخص من الماضي دخل يبوظ العلاقة.. أرجوكم بطلو تأليف”.

على صعيد آخر، كانت منة عرفة، قد كتبت عبر خاصية القصص القصيرة على حسابها الشخصى على “إنستجرام”: “من أصعب اللحظات اللي ممكن تعدي على أي ست لحظة الانفصال وخراب البيوت الطلاق يهتز له عرش الرحمن لكن انتوا يمكن عشان بتسمعوا عن بيوت بتتخرب كل دقيقة، فابقى أبغض الحلال عند الله بالنسبة ليكم نكتة أو حاجة تتمسخروا عليها، رهان بتعملوه مع بعض على إننا مش هنكمل، أو مادة خام للشماته فينا، خراب البيوت عمره ما كان حاجة سهلة على الست أو على الراجل أو على أهالينا، في عز ضعفي وحزني وكسرتي اللي ربنا ما يكتبها على أي ست مرحمتنونيش، ولا قدرتوا إني في موقف لا أحسد عليه وشمتانين فينا.. قد ايه انتوا ناس متعرفوش ربنا ولا في قلوبكم رحمة”.

تابعت: “اتمنوا الخير لبعض يا جماعة بلاش نشمت في بعض، لكن دي غلطتي أنا إنى شاركتكوا حياتي الشخصية، الإنسان بيغلط عشان يتعلم وأنا اتعلمت وربنا يعينكم على نفسيتكم الجحيم دي، وعسى أن تكرهوا شيئا وهو خير لكم، يمكن الخلاف اللي حصل كشف لنا ناس كتير حوالينا كانوا بيمثلوا انهم فرحانين لينا بس الحقيقي أنهم كانوا مستنين أول مشكلة علشان يسمعوا في كسرنا وخراب بيتي، بس والله ربنا مش هينولهلكوا وربنا يخليلي أهلي وزوجي والناس اللي بتتمنالي الخير وواقفت جمبي، وكلمة أخيرة للسادة الصحفيين أرجوكوا كفاية بقى”.