فيفي عبده: "حبيت نفسي أكتر لما شوفت حب الناس ليا بعد إشاعة وفاتي"
مروان عجمي
عبرت الفنانة فيفي عبده، عن سعادتها بسبب الدعم الكبير والحب الذي قدمه جمهورها لها أثناء الظروف الصحية التي مرت بها، إذ شعرت بخوف الجمهور وأهلها وأقاربها وأولادها عليها.
أكدت “عبده” خلال لقاء مع برنامج “أسرار النجوم“، مساء الخميس، والذي تقدمه الإعلامية إنجي علي، على “نجوم إف إم” استيائها من منشور رأته، قائلة: “كانوا كاتبين الله يرحمها كانت ست كويسة، وجايبين حد بيعيط من عزا تاني”، مضيفة: “تخيلي قد إيه إن أننا حبيت نفسي، لأني شوفت دا قدامي وحسيت قد إيه أنا محبوبة”.
نرشح لك: فيفي عبده: “الرقص في دمي”
أشارت إلى أن السوشيال ميديا كانت سببا في تغيير نفوس الناس، لافتة إلى أن الأشخاص الذين ينتقدون ويدخلون الدين في كل الأمور يظنون أنفسهم “جلادين”، وهم الذين سيحاسبونها عن أعمالها، مؤكدة على أن الله وحده هو المسؤول عن حساب البشر.
لفتت إلى أن بعض الأشياء تجعلها تستمتع على السوشيال ميديا، كما توجد أشياء تصيبها بالحزن الشديد.
كما قالت الفنانة فيفي عبده، إن الغيرة بين الفنانين قديما لم تكن مثل اليوم، إذ أن الكثير من الفنانين كانت تجمعهم علاقات طيبة في الفترات الماضية.
أضافت: “زمان كنا كفانين نحب بعض ونتقابل دائما، دلوقت الدنيا اتغيرت خالص.. دلوقت مفيش أسرة أساسا، حتى الأسرة في البيت متفككة لكل فرد معاه الموبايل، وبقى الجمهور معاكي في كل حتة.. والموضوع دا مزعلني مع إني من أول الناس اللي دخلت أونلاين”.
في سياق آخر، أشارت إلى أنها تشعر بحب السيدات لها كثيرا، مردفة: “الستات بيحبوني جدا جدا، وأول ما بيصحوا من النوم بيقولوا لما ندخل نشوف فيفي عاملة إيه النهاردة.. واللي زعلان بيقول أدخل أفرفش عن فيفي، لأني بديهم اللي أنا مفتقداه لأن أنا عندي سلبيات كتير جدا جدا.. خاصة بعد المشاكل الأخيرة ومطلوب إني أطلع أفرفش معاهم وأنا زعلانة”.
أضافت: “أنا فكرت أفتح التربة وأروح أقعد في الحوش عشان أتأقلم، أشوف هيعملوا إيه لما أروح.. دا أنا بوصي التربي من دلوقت بقوله أنت اللي هتقعد معايا سنين، ومكنتش بكلمه من سنين دلوقتي بقى حبيبي.. بقوله هبقى معاك خلي بالك مني وبقوله بلاش الورد عشان مينزلش ميه عليا”.
لفتت إلى أنها أخذت موضوع كورونا في بدايته بخفة ظل وضحك، لكنها بعد فقدانها لأحبائها شعرت بخطورته، مردفة: “الموضوع أثر عليا جدا وخلى نفسيتي زي الزفت وموبايلاتي قفلتها ومبقتش عايزة أكلم حد.. معرفش صفحتي كمان بقيت كئيبة كل ما أفتح أنزل حاجة لحد وأقول الله يرحمه”.