أحمد فهمي عن أزمته مع شيكابالا: "مش حابب أنفخ في النار تاني"
رفض الفنان أحمد فهمي، تجديد الحديث عن أزمته السابقة مع نجم الزمالك محمود شيكابالا.
تابع “فهمي” خلال حلوله ضيفا على برنامج “حبر سري”، مساء الخميس، المذاع عبر شاشة “القاهرة والناس” مع أسما إبراهيم: “إحنا كنا أصحاب جدا وأنا مش حابب أنفخ في النار، ودي مش خناقة مع ممثل ودي خناقة قلبت بأهلي وزمالك وتعمل فتنة ما بين الجماهير”.
نرشح لك: أحمد فهمي: أكرم حسني أقرب لي من هشام وشيكو
أكد على عدم وجود عداوة بينه وبين شيكابالا، مضيفا: “شيكابالا هو مش عدوي ومش بنكره بعض، ولو شوفنا بعض مش هنتخانق تاني ومش بحب أنفخ في النار”، موضحا أن اختلافه مع شيكابالا شيء واحترامه للزمالك شيء آخر.
وعن حقيقة توسطه لشيكابالا للعب في النادي الأهلي، أوضح: “هو عارف إيه اللي حصل، وأنا عارف إيه اللي حصل والجماهير، ومش هنفخ في النار”.
يذكر أن آخر أعمال أحمد فهمي، فيلم “العارف”، من بطولة مجموعة من النجوم، أبرزهم أحمد عز وأحمد فهمي ومصطفى خاطر ومحمود حميدة وكارمن بصيبص وأحمد خالد صالح، وغيرهم، ومن تأليف محمد سيد بشير ومن إخراج أحمد علاء الديب.