خالد سرحان عن محمد رمضان: مجبتش سيرة حد
محمد هيثم
قال الفنان خالد سرحان، إن الأنباء التي يتم تداولها بشأن تصريحاته حول الفنان محمد رمضان، مزيفة موضحاً “أنا مبجبش سيرة حد”.
تابع” سرحان” خلال لقائه في برنامج “Spotlight” المذاع على قناة “صدى البلد” مساء اليوم وتقدمه الإعلامية شيرين عادل: “نا بحب الكوميكس، وبنزل حاجات عملتها مع هنيدي، مضيفاً أنا عملت معاه فيلمين، والفيلمين فيهم كوميكس لطيفه جداً، الفيلم الأول (تيتة رهيبة) والفيلم الثاني (عنتر ابن ابن ابن شداد) ودول الفلمين اللي طلعت منهم بكوميكس بيني وبين الفنان محمد هنيدي”.
نرشح لك: هاني شاكر عن منع محمد رمضان: “متحصن”
أضاف: “موضوع الترند خرب الدنيا، وقلل من قيمة الشغلانة، أنت النهاردة ترند وثاني يوم ترند ثاني تنسي اللي حصل امبارح، دي حاجة غريبة”.
أكمل: “كان زمان الترند أو اللي الناس بتتكلم عليه، قبل السوشيال ميديا، المشهد الحلو، المشهد اللي يأثر في الناس، مش الترند حاجة هايفة الناس تتكلم عليه وتنسى العمل الفني الحقيقي”.
وعن حياته الشخصية قال: ” مش حابب إن الناس تعرف حاجة عن حياتي الشخصية، أنا مستعد أي حد ينتقدني في شغلي، لكن حياتي الشخصية دي بتاعتي”.
يشار إلى أن خالد سرحان، شارك في الموسم الرمضاني الماضي من خلال مسلسل “اللي مالوش كبير”.
مسلسل “اللي مالوش كبير” تدور أحداثه في إطار اجتماعي أكشن ويتضمن نخبة من النجوم أبرزهم، النجمة ياسمين عبد العزيز، أحمد العوضي، خالد سرحان، خالد الصاوي، دينا فؤاد، دنيا عبد العزيز، فتوح أحمد، عايدة رياض، بدرية طلبة، أحمد عبد الله محمود، أحمد سعيد عبد الغني، إيمان السيد، محمود حافظ، بسنت النبراوى، هدى الإتربى، أحمد الرافعى، محمود ياسين “جونيور” وآخرين وهو من إنتاج شركة سينرجي للمنتج تامر مرسي ومن سيناريو وحوار عمرو محمود ياسين وإخراج مصطفى فكري