بعد انتقادات الجمهور.. تامر حسني يدافع عن آية مكرم
دافع الفنان تامر حسني عن الإنفلونسر آية مكرم، التي أحيا زفافها قبل أيام، وتعرضت لانتقادات واسعة من الجمهور، بسبب رد فعلها خلال حفل الزفاف حينما فوجئت بوجود “تامر” ورقصها وتفاعلها معه، وهو ما اعتبره البعض فيه بعض “الإهانة” لزوجها.
أوضح تامر عبر خاصية القصص القصيرة عبر حسابه على إنستجرام، أن “آية” من معجبيه منذ صغرها، وما حدث منها بسبب فرحتها الكبيرة بوجوده، كاتبا: “آية غير إنها ناجحة وبنت محترمة وطموحة هي أصلا من محبيني من وهي طفلة، ودايما كان بيجيلي منها رسايل من صغرها إن أمنيتها إني أغني في فرحها، وبعتتلي من فترة إني بالنسبة لها مثل أعلى في النجاح وبتستمد مني طاقة إيجابية بتفرحها وبتنجح بيها”.
تابع: “تخيل لو النجم أو الفنان اللي هو مثلك الأعلى يجيلك الفرح، ولأن الفنان ده صدق طاقتك اللي وصلته من حروف صغيرة ولكن صادقة كل الصدق، فتساعد الظروف هي الأخرى ويتم إلغاء معاد مهم عندي من أطراف أخرى، لتأتي الظروف لتساعد وأصبح فاضي في هذه الساعة، فا أذهب دون مقابل لفرحة (آية) الطفلة اللي كبرت وطول عمرها بتتمنى اللحظة دي من خلال حروف بسيطة فـ أروح أفرّحها هي وعريسها الجميل الشاب الطموح هيمن”.
أضاف تامر: “اللي محبش مثل أعلى واتعلق بيه من صغره ولقاه جنبه بيحقق له أمنية من أماني الحياة مش هيفهم الكلام ده.. بس دي علاقة صدق في طاقات الحب بيألف قلوبها ربنا عشان الناس تفرح وفي فرحة بتخليك مش في كامل وعيك من كتر ما أنت مش مصدق، وده أنا قولته في أغنية (ياااه مش مصدق).. ربنا يرزقكم كلكم الفرحة دي.. مبرووك”.
