منى زكي: كريم عبد العزيز معجون بالفن ورجله على الأرض
محمد هيثم
علقت الفنانة مني زكي، على تكريم الفنان كريم عبد العزيز، في مهرجان القاهرة السينمائي الدولي في دورته الـ43، وحصوله على جائزة فاتن حمامة، مؤكدة على أنه يستحق الجائزة.
تابعت “زكي” خلال اتصال هاتفي في برنامج “يحدث في مصر” مساء الثلاثاء، عبر “MBC مصر” مع شريف عامر: “كريم يستحقها، وأنا معرفتش أديله حقه من رهبة المكان وخوفي إن أنا أطول في الكلام”، مضيفة: “كريم فنان رجله على الأرض وحاسس بنبض الناس”.
نرشح لك: رأي كريم عبد العزيز في الوضع الحالي للسينما المصرية
واصلت:” كريم رغم أن هو شخص اجتماعي ولذيذ وقعدته حلوة، إلى أن هو أكثر حاجة بيحب يتكلم عنها وبيعرف يتكلم عنها هو فنه، هو معجون في الفن، ومولد وسط فنانين، وعيلته فنية، وكل همه يبسط الناس”.
أضافت: “جيلنا ابتدى الشغلانة بتاعتنا في سن صغير، ودا بيخلي في سنين أكبر من سننا أصلا ما بينا، كلنا ابتدينا وعندنا شغف مش للشهرة، عندنا شغف بالدور وبتفاصيل شغلنا أكثر من القشرة بتاعه شغلنا، والقشرة دي بتوقع ومحدش بيفتكرها لأنها لا شيء، لكن الأساس التفاصيل وهي اللي بتفضل في القلب”.
وعن فيلم “الجواهرجي” قالت “زكي”: “فاضلنا أيام قليلة ونخلص، وأنا مبسوطة بالتجربة جدا، وهنيدي بالنسبالي وش السعد على جيلنا، هو فتح باب لجيلنا، وهو يجنن ولذيذ ودمه خفيف جدا، ويا رب الفيلم يبقي عند حسن ظن الجمهور”.