هل أجرت زوجة محمد صلاح عملية لفقدان وزنها؟.. مدربها يجيب

ياسمين شهاب

قال كابتن مينا سمير، مدرب اللياقة البدنية، إنه فور نشر صور لزوجة لاعب المنتخب المصري ونادي ليفربول الإنجليزي محمد صلاح أثناء مرورها بمرحلة فقدان الوزن، انهالت عليه الانتقادات بالتزوير وأن هذه الصور ليست حقيقية.

أضاف “سمير” خلال لقائه مع “ET بالعربي“: “أنا في السوشيال بقالي فتره وبشوف الانتقادات ومش بحب أرد عليها، أنا هضيع تعبي، الناس بتقولي أنت بتستغل ده للتسويق وده طبعا أنا بدرب تقربيًا حد من أشهر الشخصيات في العالم دلوقتي”.

نرشح لك: شاهد: برومو حلقة محمد صلاح مع عمرو أديب

تابع أنه أثناء تواجده بداخل الجيم أخبروه أن ماجي صادق قامت بالاتصال لحجز موعد وبالفعل ذهبت إلى هناك، مردفًا: “مدام ماجي زوجة محمد صلاح لما جاتلي مش هقول صدمة بس كانت مفاجأة، قالتلي عايزة ابدأ رحلة الدايت”.

استكمل: “أنا بصراحة تخيلت للحظة إنها ممكن تبقى زي ستات كتير في مصر بتاخد الخطوة لمدة أسبوع ومبتكملش، بس اللي اكتشفته إنها شخصية رياضية عندها حماس وإرادة، وشخصية هادية جدا، والتزمت التزام مش طبيعي بالتعليمات”.

أردف: “وبعد شهرين لما نزلت مصر تاني أنا معرفتهاش، هي قدرت تعمل تحول، أنا شايف بطلة أخدت الموضوع تحدي”، مضيفا أنه كان يتابع معها أونلاين ثم ذهبت إليه بعد شهرين وكان بصحبتها والد زوجها محمد صلاح وأنه شخص متواضع جدًا وذو أخلاق عالية.

أوضح: “لما دخلت عليا مدام ماجي حقيقي اتفاجئت فعلًا هي بطلة نزلت في شهرين بشكل كبير جدًا”، مؤكدا أنها لما تلجأ أبدًا إلى أي عملية للنزول في الوزن ولهذا السبب هي قررت النزول لمصر وعندما كانت تعود إلى بريطانيا كانت تتابع مع مدربة.

وعن دور محمد صلاح في دعمها، قال: “كل كلام مدام ماجي صادق عن زوجها محمد صلاح، أنه أكتر شخص في العالم بيشجع اللى حواليه وأنا متأكد أن أكيد عشان تواصل للهدف اللي هي وصلت له ده أن كان في حد أكيد داعم لها بشكل قوي”.

شاهد تفاصيل عرض “غدوة” أول إخراج لـ ظافر العابدين