دنيا سمير غانم عن احتفالية قادرون باختلاف: أول يوم مهم بدون دعوات أمي
علقت الفنانة دنيا سمير غانم، على مشاركتها في احتفالية “قادرون باختلاف” التي حضرها الرئيس عبد الفتاح السيسي اليوم الأحد، وغنت خلالها أغنية “بلادي اسلمي أنت درة زماني”.
كتبت دنيا عبر حسابها على موقع التواصل الاجتماعي “فيس بوك“: “تشرفت النهارده بالغناء أمام سيادة الرئيس عبد الفتاح السيسي في احتفالية (قادرون باختلاف).. وسعدت وتشرفت بكلامه ليا جدا، وبنظرته اللى كلها أبوة”.
نرشح لك: رامي رضوان عن دنيا سمير غانم في احتفالية “قادرون باختلاف”: ملاك
تابعت: “أحب أشكر الجمهور العظيم اللي دايما بيشجعني وشفت في عنيهم وفي ردود أفعالهم فرحتهم بوجودي في الحدث الهادف مع الملايكة اللي كانوا سبب في ثقتي بنفسي النهاردة بإحساسهم الصادق في تعبيرهم عن حبهم ليا، الحمد لله وفرحتهم باليوم ده وإن في حد مهتم بيهم وبيفكر فيهم وفي احتياجاتهم
وبشكر كل الزملاء والأساتذة إللي اتشرفت إني كنت موجودة معاهم في نفس الحفلة وعلى رأسهم الموسيقار الكبير عمر خيرت وأستاذ أشرف عبد الباقي، سعيدة جدا إني ابتديت يومي بتشجيعهم وحرصهم أنهم يطمنوا عليا قبل ما أطلع وكمان زملائي الأعزاء مصطفى شعبان ويوسف الشريف والمذيعين شريف مدكور وإيمان الحصري اللي مروا بظروف صعبة وعدوها بكل قوه وثبات بفضل ربنا و رحمته، وكنت مبسوطة بيهم وحسيت بأد إيه أغلب الموجودين مننا كان عندهم تحديات في حياتهم زي الملايكة اللي استمدينا قوتنا منهم
النهارده و من أهلهم الأبطال”.
أضاف: “بشكر كل القائمين علي الاحتفال د/أمل مبدا الأم التانية للقادرون
باختلاف.. فخورة جدا بأخويا هشام جمال لأنه اشتغل وتعب من قلبه في إخراج الحفلة والأغاني واختيار الأصوات اللي دخلت قلوبنا كلنا، وعن نفسي بشكره علي أغنيتي (بلادي اسلمي) كلمات الشاعر الموهوب محمد إبراهيم وألحان العبقري المتنوع هشام جمال وتوزيع الموزع الشاطر جدا مادي”.
اختتمت: “وفي النهاية حبايبي الغاليين بابي ومامي اتأثرت جدا النهاردة إني لأول مرة أروح في يوم مهم ليا من غير ما أسمعك يا مامي بتدعيلي أو ترقيني قبل ما أنزل أو بابي بيقول لي (ربنا معاكي يا حبيب بابي).. يا رب أكون شرفتكم، بحبكم و وحشتوني أوي.. ربنا يرحمكم يا أغلى حاجة في حياتي”.
