إيمان الحصري: المؤشرات الحيوية عندي مكنتش موجودة
محمد هيثم
قالت الإعلامية إيمان الحصري، إنها ظلت في العناية لمدة 20 يوما، مشيرة إلى أن المؤشرات الحيوية لديها مثل الضغط والسكر وضربات القلب والأكسجين لم تكن موجودة.
أضافت “الحصري” خلال لقائه في برنامج “صاحبة السعادة” مساء الاثنين المذاع على فضائية “dmc” وتقدمه الفنانة إسعاد يونس: “حالتي على الورق طبيا كانت كل حاجة بايظة، مفيش بني آدم، كل شيء مش موجود، والمؤشرات الحيوية اللي المطلوب إنها تبقى عند البني آدم عشان يفضل على قيد الحياة، زي الضغط والسكر وضربات القلب والأكسجين كل الحاجات دي مش موجودة”.
نرشح لك: عوض تاج الدين: نقترب من ذروة الموجة الرابعة
تابعت: “بعد كم العمليات الكبيرة دي اتعملي نقل دم ونقل بلازما، فالحاجات دي بتحاول تخليني عايشة بس متضمنش أفضل عايشة قد أيه، يعني أنا موجودة دلوقتي بس هل جسمك هيستجيب ولا لا”.
واصلت: “دخلت العناية ومطلعتش قبل 20 يوم، ولما نقلوني من الرعاية نقلوني عشان حالتي النفسية مش علشان ممكن أطلع من الرعاية، لأن العيشة في أوضة كل اللي أنتي سمعاه طول الوقت صوت الأجهزة، وريحة المستشفى نفسها، فبتوصلي لمرحلة أنك لازم تشوفي حاجة نانية فخرجت من الرعاية”.
أشارت: “خلال الفترة دي كانوا بيحاولوا يخلوني عايشة، مكنش فيه أي تدخل جراحي ولا عمليات، وبعد كدة لو ربنا كتبلي عمر وعشت بكل المساعدات اللي بتحصل دي، إنهم بيحاولوا يظبطوا المؤشرات الحيوية بيحاولوا يخلوني صاحية فايقة مع السيطرة على الألم يبقى فيه تدخل جراحي أو عمليات”.
كانت إيمان الحصري قد أجرت عملية جراحية منذ عدة أشهر، الأمر الذي ترتب بعده حدوث مضاعفات، نتجت عنها ضرورة المكوث بالمستشفى والخضوع لعدة عمليات جراحية أخرى، في محاولة لتلافي الأضرار الناتجة عن العملية الجراحية الأولى.
يشار إلى أن إيمان الحصري، كانت قد كشفت في وقت سابق عن تفاصيل الفترة الماضية والتي مرت خلالها بأزمة صحية، ووجهت الشكر لجمهورها ومحبيها الذين دعموها، وكتبت عبر “فيس بوك”: “أول مرة أكون قادرة إني اكتب على فيسبوك من شهور، والله مش عارفة أقولكم إيه على كم الاهتمام والدعم والحب اللي شوفته وسمعته وقريته في كل كلمة وكل دعوة من القلب، الدعاء الصادق، اللي لولاه مكنتش هبقي موجودة دلوقتي”.
تابعت: “ناس كتير أوي نفسي اكلمها وأقولها شكرًا، شكرا بجد، حبكم ومساعدتكم ودعائكم ومشاعركم الطيبة وصلت ودائما كانت وما زالت بتهون عليه، إن شاء الله عندي ثقة كبيرة إني هعدي التجربة الصعبة دي على خير لأن الحقيقة ما زلت فيها لسه مخرجتش، ولسه محتاجة دعواتكم”.
بلية أم لوزة.. السؤال الذي حير الجمهور لأكثر من 30 عامًا