عمر الشناوي عن محمد صلاح: لعيب كورة عاوزينه يبقى داعية؟
علق الفنان عمر الشناوي، على الانتقادات التي وجهها البعض مؤخرا لمحمد صلاح نجم نادي ليفربول الإنجليزي، بسبب تصريحاته عن عدم شربه الخمر وأنه لا يحبها.
كتب “الشناوي” على حسابه عبر موقع فيسبوك: “لعيب كوره عاوزينه يبقي داعيه!!! هو ليه محدش بيفضل في حاله ويشوف نفسه الاول مش عاوز يشرب عشان طعمها بيضايقه عشان ملوش نفس عشان حرام عشان اي شي دي حاجه بينه وبين ربه بتتعالوا عليه ليه؟ شايفين ان انتم احسن منه ليه؟ مستكترين عليه النجاح فلازم تطلعوا في عيوب الدنيا”.
نرشح لك: حوار محمد صلاح.. أن يغرق النجاح في حديث الخمر
أردف: ” طب لو انتم مستكترين عليه النجاح ربنا مش مستكتره عليه وبيزيده نجاح غصب عنكم. كفايه رياء وتظاهر بالدين وداخلكم سواد.. لا ومش بس كده ولو اتكلم في الدين هيقولوا بتتكلم في الدين ليه هو اي واحد اليومين دول بقي مفتي”.
في سياق متصل، كان قد علق الدكتور مبروك عطية، أستاذ الشريعة الإسلامية بجامعة الأزهر، على انتقاد بعض الناس لتبرير النجم محمد صلاح سبب عدم شربه الخمر بأن نفسه لا تشتهيها، قائلا: “اللي معندوش علم يسكت، هو داعية قاعد مع عمرو أديب هيقوله حكم الشريعة في الخمر”.
تابع “عطية” خلال مقطع فيديو نشره على قناته الرسمية على موقع “يوتيوب” مساء اليوم: “انتقد بعض الناس محمد صلاح في تعليله عدم شربه الخمر بأن نفسه لا تشتهيها بأنه قد أساء، وأن هذا القول يعني أنه لو أشتهاها شربها، أذكر الناس ببيعة سيدنا النبي (ص) للنساء، بايعهن بأن لا يشركن بالله شيئًا ولا يسرقن ولا يزنين، فنطقت هند بنت عتبة وقالت أو تزني الحرة يا رسول الله، ما قال لها الرسول قولي حراما”.
أضاف: “اللي معندوش علم يسكت، هي لو حاجة حلوة كانت نفسه ماراحتلهاش؟ لما يبقى المعنى موجود نقول الناس ما لم يقولوه، ونعلل خايف من الغرب، غرب أيه اللي هيخاف منه، غرب أيه اللي هيترجم حواره مع مذيع، إحنا اللي بنتلكك”.
واصل: “مبتشربش الخمرة ليه؟ دي مقرفة، نفسي مبترحلهاش، قد أحل الله الطيب الذي تشتهيه النفوس السوية وحرم الخبيث”، تابع: “هو داعية قاعد مع عمرو أديب هيقوله حكم الشريعة في الخمر، سؤال عابر، ولم يخطأ فيه الرجل إلهي ما تخلي نفسه تشتهيها ولا نفس مسلم”.
