بسبب "التارجت".. شركة مصرية تخصص ركنا للبكاء للموظفين
كشف الأمير عبد المجيد، مؤسس شركة تسويق مصرية وصاحب فكرة عمل “ركن للبكاء” للموظفين للتخفيف من ضغوط العمل عليهم، عن بداية الفكرة.
قال “عبد المجيد” خلال مداخلة هاتفية في برنامج “كلمة أخيرة” الذي تقدمه الإعلامية لميس الحديدي ويعرض على شاشة ON: “الموضوع بدأ إن إحنا شركة تسويق فبنشتغل على (تارجت)، وفي الفريق عندي بنات وبيتأثروا بموضوع الـ (تارجت)”.
نرشح لك: نصائح “الأرصاد” للمواطنين لمواجهة طقس اليوم
تابع: “فأنا كنت مرة في فرع المنيا وكانوا مش محققين “التارجت” أوي، فلقيت مديرة الفرع بتعيط على السلم، فقولتلها مفيش مشكلة، أنا بحاسب على المجهود مش التارجت، لقيتها بتعيط ومنهارة، فقولتلها ده إحنا نعملكوا (ركن للبكاء) علشان نعرف نكمل شغل”.
استكمل: “فعملته والموضوع بقى لطيف عند كل الناس، ومبقاش للبنات بس إحنا عندنا رجالة بتعيط، أنا بتصل بالـ HR اعيطله، وبعدين بنفك، يعني لازم نطلع الطاقة السلبية، وبعدين مبقاش حد يحس إنه مضغوط، أول ما الاقي حد مضغوط أقوله روح الـ (ركن للبكاء)، فيضحك فنشتغل”.