وكيل محمد الشناوي السابق: "أنا اللي وديته الأهلي وعايز ثمن تعبي"
قال وليد عبد الهادي، الوكيل السابق لأعمال حارس مرمى النادي الأهلي والمنتخب الوطني محمد الشناوي، إنه حصل على قرار صادر من محكمة الاستئناف للحجز على ممتلكاته نظير سداد مبلغ قيمة مليون و650 ألف جنيه لصالحه.
أضاف “عبد الهادي” خلال مداخلة هاتفية مع الدكتور معتز عبد الفتاح مقدم برنامج “تحت الشمس” عبر قناة “الشمس”: “اختلافي مع الشناوي لا ينفي أنه أهم جول في مصر وده حقه، ودي كانت قناعتي به من أيام ما مشي من أيام ناشئين النادي الأهلي، وحاربت معاه سنين وكل الأندية اللي راحها كنت معاه لحد ما رجعته النادي الأهلي تاني”.
نرشح لك: تفاصيل الحجز على ممتلكات محمد الشناوي
تابع: “أنا في المحاكم من 2018، وأخدت حكم هو عمل عليه استئناف والاستئناف اترفض لغاية ما خلصت الإجراءات لصالحي، أنا اشتغلت مع الشناوي 8 سنين كنت مدير أعماله وبعمله كل حاجة وزمايله يعرفوا وبشهادة كل اللي حواليه.. أنا اللي وديته النادي الأهلي، والمفروض يديني 10% من قيمة العقد، دي فلوس بقالها 6 سنين، أنا عايز ثمن 8 سنين تعبت فيهم وهاخد حقي بالقانون”.