لبنى عبد العزيز: أنا ممثلة مش نجمة

محمد هيثم

علقت الفنانة لبنى عبد العزيز، على ظهورها في ختام مهرجان القاهرة السينمائي في دورته الـ 43، قائلة: “فوجئت باستقبال الجمهور وأن الناس فكراني فقولت معقول ده عشاني أنا”.

أضافت “عبد العزيز” خلال لقائها في برنامج “أسرار النجوم” المذاع على راديو “نجوم إف إم” وتقدمه إنجي علي مساء أمس: “ركبي كانت بتخبط في بعضها لأني مبحبش أطلع كـ لبنى بحب استخبي وراء الشخصية، طلبوا مني كتير أقدم وأعمل حاجات لكن كنت بعتذر”.

نرشح لك: طارق الشناوي عن تصريح لـ هاني شاكر: “رخيص أوي”

تابعت: “الأستاذ طارق الشناوي طلب مني أروح المهرجان ومحبتش أرفض رغم إني كنت تعبانه شوية لكن رحت، وفوجئت باستقبال الجمهور وأن الناس فكراني فقولت معقول ده عشاني أنا”.

واصلت: “مجرتش وراء شهرة ولا مادة ولا نجومية، كنت وراء الفن، ولما درست فهمت أن الممثل مش النجم وأنا ممثلة مش نجمة، مكنتش عايزة أعمل دور الناس بتحبه وعايزة تشوفه ويعملوا من الشخصية دي نجم كبير”.

أردفت: “لكن الممثل بيدور بمراحل وألوان وتجارب، يعني أنا كنت دائما عايزة أعمل حاجة غير لبنى تماما، وكنت بدور على مشاريع تبين حاجة ثانية خالص، وأصعب دور بالنسبالي كان في فيلم هي والرجال”

.

كانت لبنى عبد العزيز شاركت في حفل ختام الدورة الـ43 من مهرجان القاهرة الدولي، وقدمت جائزة أفضل ممثلة، وظهرت على المسرح على أنغام “أسمر يا أسمراني”.