المخرج حسين كمال يكشف سر توقف شريهان عن الفوازير
كشف المخرج حسين كمال، سر توقف شريهان عن عمل الفوازير، معلقا على فشل مشروعه مع شريهان لعمل فوازير، وقال: “معرفش، شادية، نجاة الصغيرة، شريهان، 3 ألغاز أنا مش عارف افسرهم”.
تابع “كمال” خلال لقاء أرشيفي مع الإعلامية صفاء أبو السعود، في برنامج “ساعة صفا” على قناة art: “شخصيات خطيرة وفجأة تتوقف، نفس الحكاية بالظبط، زي شادية في العذراء ونجاة في المسلسل، وشريهان في الفوازير، نفس الموقف”.
سر توقف شيريهان عن الفوازير
استكمل: “هو خوف ورعب، اللي بيحصل لشريهان ده خطر جدا، ده شيء مدمر، هذا الخوف شيء مدمر، مفيش خلاف بيننا، الموضوع أكبر من خلاف، الموضوع خوف رهيب من شريهان”.
نرشح لك: كندة علوش: أتمنى العودة للدراما السورية
أوضح: “أنا انسحبت لأني لقيت إن مش هنتفق، فيه حاجز، وأنا مرضت، مش تمارضت كما قيل، لأن الناس قالت إن أنا علشان اهرب تمارضت، لا أنا مرضت، والمستشفى موجودة، شريهان فيها حاجة، وعدم نجاح أي من المخرجين في جعلها تعمل خسارة فادحة”.