رامي صبري يكشف سبب رفضه دخول مجال التمثيل
ذكر الفنان رامي صبري، أن السينما مهمة جدا والدليل على ذلك نجاح الفنانين عبد الحليم حافظ وفريد الأطرش ومحمد فوزي.
قال “صبري” خلال لقائه في برنامج “LITE SHOW” المذاع على شاشة الحياة، عن إمكانية دخوله مجال التمثيل، وقال: “بصراحة موضوع التمثيل، مهم للمغني لأنه بيؤرخ الأغاني بتاعته والناس بتشوف شخصيته بجد”.
نرشح لك: أنغام ونجليها ضيوف “أبلة فاهيتا” ليلة رأس السنة
تابع: “فيه تفاصيل طبعا أنا أحب الناس تعملها، بس مشكلة السينما عندنا في مصر إنها فيها مشاكل شوية، فأنا مبعرفش اشتغل بالطريقة دي، ليهم طريقة كده في الشغل، أنا مبعرفش اشتغل بيها، يعني الأفكار مفيش اختلاف، أفكار زيها زي بعض، تعالى وهات جنبك البنت وغني أغنية شعبي علشان الناس تقول عليك عملت حاجة مختلفة أو رحلة صعود، يعني الكلام ده كله اتهرس”.
أشار إلى أنه عندما يعرض عليه أعمال مثل هذه يرفضها، مؤكدا أن السينما جميلة وشيء مهم جدا.
كان رامي صبري، قد طرح أغنيته الجديدة “هموت من غيرها” عبر قناته على موقع الفيديوهات يوتيوب.
أغنية “هموت من غيرها”، من كلمات أحمد المالكي وتوزيع أسامة الهندي وألحان شريف بدر.