غير مصابين بـ كورونا.. آخر تطورات الحالة الصحية لـ زينة وأسرتها
كشفت الفنانة زينة، عن آخر تطورات حالتها الصحية هي وأسرتها، وذلك بعدما أعلنت عن تعرضها هي وأولادها زين وعز ووالدتها لأزمة صحية مؤخرا، وترويج البعض عدة شائعات عن إصابتهم بالتهاب رئوي حاد.
قالت “زينة” خلال مداخلة هاتفية مع “ET بالعربي“، إن حالتها الصحية هي وأبنائها في تحسن مستمر، لكنها انزعجت من الأخبار غير الصحيحة التي انتشرت عن مرضهم، معلقة: “الحمد لله، دور برد بس بزيادة يعني، والولاد كانت حرارتهم 40 بس بدأت تنزل، وأنا برضو كانت حرارتي 38 و7 شرط، فالجو صعب وإحنا مناعتنا ضعيفة شوية”.
نرشح لك: زينة لـ محمد صلاح: يا رب أشوف ولادي زيك
تابعت: “ولادي عندهم مشكلة، عندهم أنيميا جامدة أوي، ده بيخلي أي شوية برد يتعبوهم أوي، والحمد لله بنتحسن، وماما اتعدت طبعا وأختي، يعني معظمنا اتعدينا، دور برد عادي، معرفش الناس اللي كتبت التهاب رئوي جابت الكلام ده منين؟”.
استكنلت: “أختي لما قرأت الكلام اللي مكتوب، كان الجو وحش والدنيا بتمطر، جت من التجمع للشيخ زايد في نص ساعة وكانت هتعمل أكتر من حادثة، وبتقولي أنتي بتكدبي عليا.. حرام والله اللي بيعملوه ده، الكدب ده مش حاجة كويسة، ربنا يهديهم”.
أضافت: “أول واحد تعب زين وبعدين إحنا كلنا، فأنا عملت تحليل PCR ليه هو، للمصدر، عملتله وعيدتها 3 مرات الحمد لله مفيش كورونا، أنا بخاف من كورونا وبعملها مليون حساب وتقريبا مبشوفش بني ادمين غير في الشغل، ووقت الشغل بعزل نفسي عن ولادي، ولو كنت أقدر إني ماشتغلش، والله مكنتش اشتغلت من خوفي عليهم يعني، بس كل واحد عنده مسئوليات، ولازم الواحد يشتغل علشان عيالي وكده، بالنسبة لي كان هيبقى أحسن بكتير لو قدرت أقعد في البيت بس يعني شغلي مينفعش أقعد”.
كانت “زينة” نشرت من خلال خاصية القصص القصيرة، عبر حسابها الشخصي على “إنستجرام” صورة الخبر المزيف عن مرضها وعلقت كاتبة: “عيب أوي الكذب؛ أنا طالعة بحذر الناس من الجو، علشان تعبنا أنا وعيالي تقوموا تكتبوا كده وتقلقوا أخواتي وعيلتي بمنتهى الكذب وعدم الاحترام لمشاعر الناس، حتى في المرض بتكذبوا! بجد عدم احترام”.
يشار إلى أنها كانت قد شاركت في الموسم الرمضاني الماضي من خلال مسلسل “كله بالحب”.
مسلسل “كله بالحب” الذي عرض خلال شهر رمضان الماضي، وهو من تأليف محمد الشخيبي، إخراج عصام عبد الحميد، وشاركها البطولة أحمد السعدني، صابرين، سامر المصري، ريم البارودي، مصطفى درويش ويوسف عثمان.