مسنة لـ أحمد رأفت: لازم نكافح عشان نعيش

محمد هيثم
أحمد رأفت
طرح أحمد رأفت، المعروف بـ ”مذيع الشارع“، حلقة جديدة من حلقات برنامج “جبر الخواطر” التي ينشرها عبر حسابه على موقع التواصل الاجتماعي “فيسبوك”، ويقدم فيها مساعدات مالية للمحتاجين.

قدم “رأفت” خلال الحلقة الجائزة لسيدة مسنة، بعد أن جاوبت على سؤاله، وبلغت قيمة الجائزة 8 آلاف جنيها، حيث إن السيدة علقت بعد فوزها بالجائزة، قائلة: “أنا مبخرجش بقالي أربع أيام، وجاية النهاردة في المطرة عشان ربنا يرزقني، خارجة وبقول توكلت عليك يا رب”.

أشارت: “أنا مش عارفة أوصل للرئيس والله، عايزة أوصله عشان أوريه حالتي، أنا بشوفه بيجيب لناس شقق وبيجيب عزال، وأنا نايمة على سرير الراجل صاحب البيت”.

نرشح لك: مذيع الشارع: “جبر الخواطر” حقق مليار مشاهدة في عام

أضافت: “لازم نكافح في الدنيا عشان نعرف نعيش، أنا مريضة ومش معايا راجل، بقالي أربعين سنة خارجة بابني، وأنا اللي بجري عليه لحد ما اتجوز”.

واصل: “وهو يا عيني عايش هو وعياله غلبان ومريض ويوم شغال وعشرة نايم في البيت، واقف مع واحد في محل فراخ بياخد يومية 100 جنيه، هيعمل بيها أيه أكل وشرب وعلاجات، معاه عيال كل يوم والتاني عيانة، خمس عيال، فأنا بطلع استرزق عشان نجيب حاجة ناكلها أو نشربها والله بقعد طول النهار ما بكمل 30 جنيه”.

حلقات “جبر الخواطر” يقدمها مذيع الشارع أحمد رأفت، ومن إعداد أسامة محمد ومنة أيمن، وإخراج أحمد ماريو.

يذكر أنه تم منح جائزة استثنائية لـ أحمد رأفت، المعروف بمذيع الشارع، خلال حفل توزيع جوائز مسابقة إعلام دوت كوم لأفضل تقرير تليفزيوني في عام 2020، وذلك بحضور جورج صبري، مدير المحتوى في شركة سرمدي، عضو لجنة تحكيم المسابقة، والإعلامية سارة حازم.