مبروك عطية عن امرأة تبحث عن زوجة لزوجها: إحنا بنكلم مجانين؟

علق الدكتور مبروك عطية، أستاذ الشريعة الإسلامية بجامعة الأزهر، على واقعة نشر امرأة على حسابها الشخصي على موقع التواصل الاجتماعي فيس بوك، مواصفات امرأة أخرى ليزوجها زوجها، وتسائل: “هي اللي طلع في دماغها تجوز جوزها؟ هي اللي اقترحت عليه؟ هو طلب يعني ولا هي اللي اقترحت؟ تفرق”.

تابع “عطية” خلال لقائه في برنامج “يحدث في مصر” المذاع على شاشة MBC مصر ويقدمه الإعلامي شريف عامر، أمس الأربعاء: “يعني إيه تخطب لجوزها، كانت أمه ولا كانت أخته؟”.

استكمل: “هي عندها هدف استراتيجي واضح، ده أحد الاحتمالات يكون عندها هدف استراتيجي، بتسد قدامه الطريق، أنا أخطبله، مين هترضى تتجوز واحد بخطوبة مراته؟! فده هدف استراتيجي سياسي يعني هي مخها مش صغير”.

نرشح لك: مبروك عطية: لا يجوز للمرأة حلق شعرها إلا لعذر طبي

أضاف: “ولو راحت بيت تخطب له هيمسحوها من راسها لرجليها، إيه يا ست اللي بتعمليه ده؟ أنتي مش مكفية؟ وإذا كنتي أنتي مش مكفياه، بنتنا اللي هتكفيه؟ امشوا مع السلامة، الحاجة التانية إنها ممكن تجد من يوافق إنها تتجوزه، أول لطشة تيجي من الجديدة، هيفتكر كل اللي عملته دي فيطلق الجديدة، فهي بتسعى لخرابها قبل ما تبدأ”.

واصل: “إيه إحنا بنكلم مجانين؟ إحنا بنهرتل على المجتمع؟ أنتي أمه ولا أخته؟ أنتي المطلوب منك شرعا إنك ترضي بشرع الله لو هو اللي عمل، لكن لا تخطبي له”.