ليلة رأس السنة.. أنغام ونجليها ضيوف أبلة فاهيتا
تحل الفنانة أنغام، ضيفة على برنامج “لايف من الدوبلكس” مع أبلة فاهيتا، في أول حوار تليفزيوني لها منذ فترة طويلة.
تكشف أنغام خلال السهرة التي تعرض ليلة رأس السنة على شاشة قناة ON وتظهر خلالها بصحبة نجليها عمر وعبد الرحمن، عن علاقتها بالمطبخ وأبرز الأكلات والأطباق التي تجيد تحضيرها وعشقها للكشري الخاص بوالدتها، كما كشفت أيضا في حوارها مع أبلة فاهيتا عن تشجيعها للنادي الأهلي وعن حرصها عن متابعة كل مباراياته وكذلك مبارايات المنتخب القومي.
نرشح لك: في رأس السنة.. شيرين وبناتها ضيوف “صاحبة السعادة”
في سياق آخر، كانت الفنانة أنغام وجهت رسالة لابنها الصغير عبد الرحمن بمناسبة عيد ميلاده، عبر حسابها على موقع تبادل الصور والفيديوهات “إنستجرام”، إذ كتبت: “كل سنة وأنت روحي وحبيب روحي ونور عيني يا أجمل قلب في الدنيا ربنا يحميك ويبارك فيك انت وأخوك ويفرح قلبي بيكم ربنا يسعدك”.
وكانت أنغام قد طرحت أحدث كليباتها الغنائية عبر قناتها الرسمية على يوتيوب، “هتشتاقوا”، وذلك بعد فترة من الترويج لها خلال الفترة الأخيرة وتعتبر أغنية “هتشتاقوا” أحدث تجاربها الغنائية، وهي من ألحان مصطفى العسال، وتوزيع عمرو الخضري، وكلمات الشاعر عمرو يحيى.
وجاءت كلمات الأغنية كالتالي:
هتشتاقوا لحضننا لما هتلاقوا
مفيش غيرنا اللي ريحكوا .. مفيش غيركوا اللي جرحنا
وفرحناكوا وما فرحنا وحقنا جاي مطرحنا وهتجونا بتشتاقوا
هتشتاقوا لحبنا لما هتلاقوا مفيش غيرنا اللي فهموكوا
في صبرنا مين بيستحمل واجهنا وقولنا هنكمل
وكل حبيب بيستعمل في وقت الرد أخلاقه
ناسينكوا و ناسيين اللي كان وياكوا وفاكرين اللي كان منكوا
ناسيينكوا وسايبين الزمان هو يفهمكوا يعلمكوا
ولما تجونا هنقفل حساب مفتوح وهنخلص قديم وجديد كمان منكوا
هتحتاروا وحبكوا قل مقداره خسارة شوقنا كان غالي
عشان مانكونش ظالمنكوا هتيجوا تشوفوا ده بعينكوا
ويبقى ربنا يعينكوا ده كل فراق ليه أسراره
هتحتاروا تعيشوا الليل وأفكاره وتسهروا زينا ليالي
وهتحسوا اللي بنحسوا وعمركوا راح يضيع نصه
وبتحاولوا يا عيني تنسوا ولو شوفتونا تداروا
كانت أنغام طرحت فيديو كليب جديد عبر قناتها على موقع يوتيوب بعنوان “ونفضل نرقص”، والأغنية من كلمات وألحان عزيز الشافعي، وتوزيع وسام عبد المنعم.
كما طرحت أغنية “برضه بتوحشني” ، التي تتعاون فيها المطربة أنغام، مع المطرب اللبناني وائل كفوري، لأول مرة في دويتو غنائي.