بسبب الاسم.. علي الحجار يكشف سر رفض والده احترافه الفن
تحدث الفنان علي الحجار، عن سبب رفض والده الفنان إبراهيم الحجار احترافه الفن في بداياته.
قال “الحجار” خلال لقائه في برنامج “سهرانين” مساء الخميس المذاع على فضائية “ON” ويقدمه الفنان أمير كرارة: “والدي إبراهيم الحجار كان رافض احترافي الفن، بسبب موقف أتعرض له بعد ما كان معتمد لمدة 10 سنين في الإذاعة، جه رئيس إذاعة جديد سنة 54 اللي اتولدت فيها والراجل قاله الحجار دي غيرها”.
نرشح لك: من كلمات زوجها.. أصالة تطرح أغنية “حنين”
أضاف: “حصل مشكلة ورفد أبويا وقاله ليه الناس تصطبح الصبح بدبش وطوب فأبويا ضربه بالطفاية، وبعد ما رئيس الإذاعة اتوفى حاول يرجع معرفش، وبقى مضطر يشتغل مرة في ملجأ أيتام إلى أن استقر في فرقة الموسيقى العربية”.
تابع: “هو خاف عليا أتعرض للي أتعرضله، وحتى بعد ما وافق، الأستاذ بليغ حمدي كان عايز أغير اسمي لعلي حمدي، ومدام أمال فهمي كانت عايزة اسمي علي فهمي، عايزين يغيروا الحجار مضيقاهم، لأنها مش بتاعة مطرب عاطفي”. مضيفا: “بعد مع الأستاذ بليغ حمدي بدأ يكتشفني، وحضرني عشان أقابل الناس بأغنية خاصة بيا، والدي قالي يا حبيبي غير اسمك مش مشكلة”.
أردف: “وقتها مكنش في غير أنا وهو وأحمد الحجار ورأفت الحجار جه بعدنا بعشر سنين، فكان نفسي اسم الحجار يفضل موجود، فأنا وأحمد ورأفت خلفنا حجاجرة كتير وكلهم فنانين”.
