ليلى علوي عن انتقادات السوشيال ميديا: أنا مش متعجرفة

محمد هيثم

قالت الفنانة ليلى علوي، إنها ترى التعليقات الواردة إليها على مواقع التواصل الاجتماعي وتهتم بها، مشيرة إلى أنها تعمل بالنصائح البناءة فقط التي تتلقاها. 

أضافت “علوي” خلال لقائها في برنامج “مساء dmc” مساء أمس المذاع على قناة “dmc” ويقدمه الإعلامي رامي رضوان: “مبضايقش من الكلمة الهايفة، لكن بحب أخد النصائح البناءة، اللي تفيدني بعد عمري ده، لحد النهاردة بسأل واتعلم واسمع انتقادات تفيدني”.

نرشح لك: بسبب الاسم.. علي الحجار يكشف سر رفض والده احترافه الفن

تابعت: “طول ما أنا عايشة بتعلم، ولو بطلت اتعلم وبطلت أبقى أحسن يبقى في حاجة مش مظبوطة، أنا مش متعجرفة خالص، ومش مين أنت عشان تنتقدني ومين أنا، مش كده خالص”. 

أشارت إلى أنها لا تحب المقارنة بين جيلها، والجيل الحالي، موضحة: “كل وقت وليه حلاوته، المهم مين الناس دول، وبيعملوا إيه؟ بيحبوا بعض ولا لا؟ يعني ساعات بقول بقول عليا إني منطوية ومبخرجش كتير وظهوري قليل، هو أنا مش منطوية ولا حاجة، أكيد بحب بيتي، وبيتي نمرة واحد، بس شغلي كمان مهم جدا”. 

أردفت: “اجتماعيتي ومجاملاتي دي مهمة جدا مبقصرش فيها، فأنا بحترم حرية كل واحد حابب يسهر حابب يخرج، وبعدين الناس بتنتقد علطول قاعد بتنتقد خارج بتنتقد، وفي ناس بتقدر كل حاجة كويس، ولو أنا عايزة أقول حاجة كخبرة ومشوار أهم حاجة نعمل اللي إحنا بنحبه، ومندوسش على نفسنا عشان حاجة، لكن نتعب عشان شغلنا، نعمل اللي يريحنا واللي من قلبنا هنلاقي الدنيا بسيطة”.