بسنت شوقي تدعم جيلان علاء بعد تصريحاتها عن التنمر
وجهت الفنانة بسنت شوقي، رسالة دعم إلى الفنانة جيلان علاء، التي ذكرت قبل أيام أنها تتعرض للتنمر بسبب شكل أنفها.
كتبت “شوقي” عبر “ستوري” حسابها بموقع تبادل الصور والفيديوهات “لإنستجرام”: “صحيت على البوست ده النهاردة وحبيت بس أتكلم عن چیچی شوية.. چیچی دي من النوعية اللي خلاص مبقاش موجود منها كتير، قلبها أبيض زي ما كنا بنسمع زمان عن القلب الأبيض.. طيبة وحنونة لأقصى حد.. اهتمامتها ووقتها كله لأهلها وصحابها… she cares, she truly cares.. ومهما كان عندها مشاكل عمرها ما تحسسك بيها أبدا”.
نرشح لك: في رأس السنة.. شيرين وبناتها ضيوف “صاحبة السعادة”
تابعت: “طاقتها دائما إيجابية.. دمها خفيف وروحها حلوة وموهوبة لأقصى حد، وقمر، قمر من جوة ومن برا.. وأخيرا مختلفة.. محدش بعرف يعمل اللي هي بتعمله.. فـ يا ترى أنت يا فسلة منك ليها له، عملتوا إيه في حياتكم وحياة الناس القريبة منكم؟ وهل نفسيتكم اللي مليانة سواد وغل وقرف باينة ولا لا؟ تعالوا نشوف.. والله يا جماعة التنمر ده بقى موضة قديمة ودمه ثقيل ومفيهوش أي خفة دم يا كركع كركع يا شكوكو عصركم”.
كانت جيلان علاء، قالت خلال لقاء مع برنامج “معكم منى الشاذلي”: “كان في تنمر من تعليقات فيسبوك على مناخيري ووشي في المطلق، زي مناخيرك كبيرة قوي، أو وشك أطول من شاشة موبايلي”.
أضافت: “في واحد مش حاطط صورته على البروفايل، حاطط صورة بيبي أو جنينة، يعني إنت بتضحك عليا وأنا مش شايفاك ومعنديش طريقة أرد بيها عليك.. في حاجات كوميدية لو وقفنا عندها هنلاقيها تنمر، بس هي مش تنمر”.