منة شلبي: بتضايق من تعليقات الناس إن الفن حرام والفنانين هيروحوا جهنم
كشفت الفنانة منو شلبي عن انزعاجها من بعض التعليقات التي تقول إن الفن حرام وأن الفنانين سوف يدخلون “جهنم”.
تابعت “شلبي” خلال لقائها مع “الفصلة”: “بتضايق لما يجيلي تعليقات الناس إن الفن ده حرام أو الفنانين دول هيروحوا جهنم.. أولا الله أعلم إحنا هنروح فين، وربنا مخلقناش علشان حد يقررلنا هنروح فين، لأن إحنا عبيد الله زينا زي بعض”.
نرشح لك: رأي منة شلبي في الهجوم على محمد صلاح بسبب تصريحاته عن “الخمر”
استكملت: “حضرتك معندكش بصيرة أكتر من أي مخلوق تعرف إحنا بعد ما نموت هنتحاسب ازاي، دي حاجة مش معروفة خالص، إحنا ناقصنا إننا نشوف الفن بمنظور أكثر رقي من إنه ممثلاث وممثلين ويا ساتر والحاجات دي”.
واصلت: “هي مهنة أعظم من كده بكتير بس ناقصها ناس بتحبها وتخلصلها أكتر، ناقصها ناس تبقى بتشوفها أهم من إنك تطلعي في مجلات وجرايد وتتصوري، فبزعل إن الناس ممكن تشوف حاجات ضيقة أوي وماتشوفش الصورة الأكبر”.
اختتمت: “أنا نفسي أكتر وده بيحصل دلوقتي إنه نناقش قضايا مجتمعية كتيرة لأن المجتمع فيه حاجات حلوة ونبيلة جدا وفيه ناس كتير كويسة بتعمل خير، فيه كمان حاجات مريضة في المجتمع لازم تتعالج”.
يذكر أن منة شلبي شاركت في الجزء الثاني من مسلسل “ليه لأ” من بطولة منة شلبي وأحمد حاتم ومراد مكرم، ومن تأليف ورشة سرد تحت إشراف السيناريست مريم نعوم، وفكرة سيناريو وحوار دينا نجم، وشارك في كتابة الحلقات سلمى عبد الوهاب و راجية حسن.
كما شاركت فيلم” الإنس والنمس”، ويشارك في بطولته مع الفنان محمد هنيدي، منة شلبي، صابرين، عمرو عبد الجليل، بيومي فؤاد، عارفة عبد الرسول، محمود حافظ، دنيا ماهر، شريف دسوقي، إضافة إلى مشاركة عدد من الفنانين كضيوف شرف، والفيلم قصة وإخراج وسيناريو وحوار شريف عرفة.
كما تشارك في فيلم “من أجل زيكو”، المقرر طرحه يناير المقبل في السينمات، من بطولة منة شلبي، كريم محمود عبد العزيز، ومحمد محمود، ومحمود حافظ، وضيوف الشرف شيكو وإسعاد يونس، ومن إخراج بيتر ميمي.