مشادة على تويتر بين "ميدو" وأحمد حسن "كوكا"
علق أحمد حسام “ميدو”، على استبعاد اللاعب أحمد حسن كوكا، مهاجم فريق قونيا سبور التركي، من قائمة منتخب مصر الأول، التي اختارها البرتغالي كارلوس كيروش المدير الفني للفراعنة، والتي ستشارك في نهائيات بطولة كأس الأمم الإفريقية المقرر انطلاقها في الكاميرون يوم 9 يناير المقبل.
أكد ميدو، أن كوكا مهاجم متواضع لا يصلح للمستوى الدولي، حتى ولو أحرز 1000 هدف، على حد تعبيره، ليرد عليه كوكا عبر تويتر، موضحا أن الأخير يسعى للشهرة دوما من خلال انتقاد الأخرين، كاتبا: “مهاجم متواضع؟ أولا أنت أصلا مين طلب رأيك؟ ثانيا أنت مبطل كورة وأنت عندك ٢٩ سنة وكل الناس عارفه ليه. ثالثا لو رقم الأهداف اللي أنا جايبه شايفه قليل ماجبتوش أنت ليه؟ رابعا حاول تبقي مدرب.. ومبتكملش عن شهر في أي نادي”.
تابع: “خامسا بتحاول تبقى إعلامي وتتكلم عن ده وده عشان تبقي تريند بأي شكل، أي حاجة عايز تدخل فيها، ده حتى صلاح في أول مشواره كنت بتتكلم عليه وحش، الحقد عالي أوي عندك من زمان وأنت بتتكلم وحش عني.. وأنا عارف إن أكبر غلط إني أرد عليك وأنت فاضي وعندك برنامج تتكلم فيه كل يوم بس أنا برده مش هيهدني كلامك وهفضل في طريقي، مركز في مستقبلي ومش عايز حاجة من الناس بعد ما أبطل كورة وبعد لما أموت غير السيرة الحلوة”.
من جانبه، رد ميدو موضحا أن كوكا لاعب بلا مؤهلات سوى نسبه، قائلا: “عمري ما روحت المنتخب عشان مناسب حد مهم.. أنت عارف كويس أنت كنت بتروح المنتخب لسه.. رد في الملعب حاول تروح المنتخب، أنت لاعيب تعبان وكل مؤهلاتك نسبك وأنت عارف كويس.. عمري ما لعبت في دوريات الالاضيش اللي أنت بتلعب فيها.. يا أهبل مصر كلها بتقول إنك لاعيب على ما تفرج مش أنا بس، وتاني أنت عارف كويس أنت كنت بتروح المنتخب ليه”.
نرشح لك: ميدو للاعبي الزمالك: “اسألوا نفسكم تستحقوا شرف اللعب للفريق ولا لأ؟”
على صعيد آخر، كان المنتخب المصري لكرة القدم قد أعلن، مساء أمس الخميس، ضم الثلاثي مروان حمدي لاعب سموحة وإبراهيم عادل ومحمد حمدي من بيراميدز، لقائمة الفراعنة التي تخوض منافسات بطولة الأمم الإفريقية في الكاميرون الشهر المقبل، بقرار من كارلوس كيروش المدير الفني للمنتخب الوطني.