ميريهان حسين عن "حكاية واسى روحي وياك": اتصورت في ظروف صعبة
أعلنت الفنانة ميريهان حسين، انتهاء تصوير حكاية “وانسى روحي وياك”، سادس حكايات الموسم الرابع من مسلسل “نصيبي وقسمتك”.
نشرت “حسين” عبر حسابها الشخصي على موقع “إنستجرام”، صورة لها مع فريق عمل المسلسل، وعلقت عليها كاتبة: “فركش تصوير مسلسل “نصيبي وقسمتك”، حكاية “وانسى روحي وياك” ..الحمد لله اللي قدرنا على التصوير في ظروف مناخية صعبة جدًا وبرد واصل لدرجة الصقيع ومطر وأنا لابسة صيفي، وعدد ساعات تصوير طويلة جدًا بس برضو كان من أجمل أوقات الشغل مع ناس محترمة وجميلة عايزة أشكرهم فردًا فردًا”.
نرشح لك: مسرقتوش!.. ملحن “الغزالة رايقة” يرد على الشائعات
تابعت: “شكرا أستاذ أحمد عبد العاطي، المنتج المحترم على ثقتك فيا واختياري لبطولة حكاية (وانسى روحي وياك) و يارب أكون أد ثقتك فيا وشكرًا أستاذ عمرو محمود ياسين على شخصية قمر ورؤيتك ليا بشكل مختلف عن الشكل النمطي والأدوار المكررة اللي بيختاروني لتقديمها وشكرًا على كتابتك الرائعة الممتعة”.
أضافت ميريهان: “شكرا المخرج الشاطر جدًا المريح جدًا اللي بيحب ويحترم الممثل جدًا أستاذ عصام نصار شكرًا انك كنت بتهتم بكل التفاصيل وانت مخرج رائع شاطر وبتفهم وبتخلق روح جميلة في اللوكيشن مبسوطة إني اشتغلت معاك.. شكرا مدير التصوير العسل هيثم ناصر شكرا على الصورة الجميلة تسلم إيديك وشكرًا لكل رجالتك وفريق عملك المحترمين”.
في نفس السياق، كتبت: “شكرًا لكل فريق الإخراج المحترفين بجد ضياء ومصطفى الجمال ورشا وكل فريق العمل فردًا فردًا وشكرا محمود بوبو لا داحنا عنينا، شكرًا رجالة الإنتاج شكرا أستاذ وليد الحسيني على تسهيلك لكل حاجة ومجهودك الكبير وانت عارف غلاوتك عندي.. شكرا المخرج المنفذ أستاذ أحمد عمر على كل حاجة ويارب دايما مع بعض، شكرًا الستايليست حسن مصطفى وفريق الماكير والكوافير المحترمين ولكل فريق الديكور والإكسسوار وكل الناس المحترمة اللي تعبوا بجد، شكرا زميلي الشاطر جدًا الموهوب محمد عز تستاهل كل الخير يا محترم ربنا يكرمك دايما يا رب وشكرا كل زملائي الفنانين المحترمين مبسوطة جدا إني اشتغلت مع كل حد فيكم.
اختتمت: “وأخيرًا شكرًا منة حبيبة قلبي اللي بتساعدني وتهون عليا عناء الشغل، أتمنى الحلقات تعجبكوا ودي أهم حاجة عندنا”.
View this post on Instagram
يذكر أنه عُرض حتى الآن من الموسم الرابع من مسلسل “نصيبي وقسمتك”، حكاية “النظارة البيضا” وقام ببطولتها أمير المصري، وحكاية “غرام بانتظام” من بطولة شريف سلامة، وحكاية “أوضة وصالة” من بطولة أحمد عبد العزيز ورشوان توفيق، وحكاية “حلوة اللقطة” من بطولة هاني عادل، وحكاية “تاج راسنا بابا”، من بطولة صلاح عبد الله.