بشرى: "فيه ناس كتير بيحاربوني"
قالت الفنانة بشرى، إنها محظوظة بتمثيلها أمام نجوم كبار، والذين أشادوا بها في بدايتها، وتراها نعمة كبيرة.
أضافت خلال حلولها ضيفة على برنامج “أسرار النجوم“، مساء الخميس، عبر “نجوم إف إم” مع إنجي علي: “في يوم من الأيام هكتب عن مشواري في المجال دا، لأني خبطت أبواب كتير جدا، وارتبط اسمي بناس كبيرة ومهمة”.
نرشح لك: سبب بكاء لطيفة بعد حفلها الأخير
أشارت إلى أن الجمهور العادي الذي لا يتبع “أجندات” يعلم تاريخها والصعوبات التي واجهتها جيدا، مردفة: “الشارع المصري كوم والسوشيال ميديا كوم.. الجمهور المصري اللي بيشيلك على الأكتاف لما بتنزل الشارع حاجة تانية خالص.. متصدقوش كل اللي بتشوفه على السوشيال ميديا لأنه مجاني وببلاش وعالم افتراضي”.
أشار إلى أن صدق الناس في الشارع هو الأمر الذي يدفعها للعمل من أجله، مؤكدة على أنها قدمت أعمالا في جميع مجالات الفن من مسرح وسينما وتلفزيون.
تابعت: “لما حد يجي يقول اشمعنى بشرى في المكان دا، تعالى وأنا أقولك أنا عملت كذا ووقفت قدام كذا ولسه بعمل.. ولحد الآن بتحارب من ناس المفروض ساعدتهم ونجحتهم.. بس للأسف هي طبيعة بشرية”.
أردفت: “جاملت كتير للأسف، وقليل قوي اللي جاملني وأنا بخجل قوي أطلب حاجة من حد، وبقول يا رب اجعلني أنا أدي.. ياختي عمري ما جالي شغلانة من ورا أي حاجة من ورا التواجد في المناسبات بتاعة الوسط الفني”.