سبب ابتعاد بشرى عن الغناء
قالت الفنانة بشرى، إنها تحب الغناء وتراه يعبر عنها بشكل كبير، ولا تمانع غناء لون المهرجانات.
أضافت خلال حلولها ضيفة على برنامج “أسرار النجوم“، مساء الخميس، عبر “نجوم إف إم” مع إنجي علي: “المشكلة الزحمة اللي موجودة في الميديا والفن والموسيقى حاليا، الواحد بقى تايه في لون الغناء الأنسب ليه”.
نرشح لك: بشرى: “فيه ناس كتير بيحاربوني”
تابعت: “وبعدين بقى نوع واحد اللي سايد مهرجانات.. وبقى نادرا ما تلاقي أغنية بجد بتنزل مش بتاعة أفراح أو مهرجانات.. دلوقتي بقى صعب لأن السائد المهرجانات”.
أوضحت أنها تحب المهرجانات كلون غنائي موجود وترى أنه معترف به، مردفة: “أنا مش ضده بحبه جدا وبرقص عليه، وطالما واصل للناس وناجح يبقى اللون دا يجب الاعتراف بيه.. إنما السلوكيات اللي بترتبط بالنوع دا هي اللي بنتوقف عندها ونقول صح أو غلط”.
لفتت إلى أنها قدمت قبل ذلك “راب”، ويمكنها غناء المهرجانات لأنها ترى أن الفنان يمكن تقديم أي نوع من الغناء أو الفن. مضيفة: “بس النوع دا فيه زحمة كله بيعمل، ليه أروح أعمله مش دا اللون اللي هشتهر بيه”.