أيتن عامر تكشف تفاصيل أغنيتها الجديدة "بناقص"
ياسمين شهاب
قالت أيتن عامر، إنها تتمنى منذ فترة دخول عالم الغناء لأنه حلمها الأول قبل التمثيل ولكن الفنان محمد صبحي نصحها بالتركيز في التمثيل أكثر وأن تكمل موهبتها في التمثيل بالغناء وليس العكس.
أضافت “عامر” خلال مداخلة هاتفية ببرنامج “كلام الناس” المذاع على فضائية “Mbc مصر” وتقدمه الإعلامية ياسمين عز: “حلم الغنائي كان جوايا وعايزة اعمله بس عارفه أنه مش هيكمل وغنيت كتير في الحاجات اللي مثلت فيها”.
نرشح لك: سبب ابتعاد بشرى عن الغناء
تابعت: “واتعرض عليا من شركة إنتاج أني أغني فقلت تمام أدور على مشروع لطيف ولقيته مع أحمد إبراهيم ووليد سعد أنا أول مرة شوفت وليد سعد قولتله شوف بقالي كام سنة بحاول اشتغل معاك واخيرًا ده اتحقق في 2020”.
استكملت “أيتن”: “أنا كان في 3 أغاني عند وليد سعد ولكن اختارت بناقص عشان الحاله بتاعها موجوده حواليًا وكل بنت هتعيش القصة دي وأنا مهتمة جدًا بقضايا المرأة حتى في التمثيل بحاول على قد ما أقدر أناقش قضايا المرأة حتى لو بشاور عليها من بعيد”.
على صعيد آخر، كانت أيتن عامر قد شاركت في الموسم الرمضاني الماضي من خلال مسلسل “كوفيد 25”.
مسلسل “كوفيد 25” من إنتاج شركة سينرجي، وإخراج أحمد نادر جلال، وتأليف إنجي علاء، ومن بطولة يوسف الشريف وأحمد صلاح حسني وأيتن عامر وإدوارد وإيناس كامل وميدو عادل وأمير صلاح الدين وصفاء الطوخي وراندا البحيري وآخرين. أيتن عامر عن نور الشريف.