محمد صبحي عن تصريح "مايوه المهرجانات": دُعابة

رد الفنان محمد صبحي، على الجدل الذي أُثير حول تصريحه بشأن سبب عدم حضوره المهرجانات، إذ قال “مبحضرش مهرجانات عشان معنديش مايوه”.

قال “صبحي” خلال اتصال هاتفي مع ياسمين عز، خلال برنامج “كلام الناس”، مساء الخميس، المذاع عبر شاشة “mbc مصر”، إنه كان يتحدث بـ”دُعابة” ولم يتحدث وكأن الأمر واقعيا يحدث. مردفا: “بس بتكلم بشكل أنه الواحد خايف يبقى شرط أساسي فيها إن إحنا نطلع بالمايوهات”.

نرشح لك: بعد إعادة مونتاج “المال والبنون”.. كيف أثرت “نتفليكس” على مخيلة المشاهد العربي؟

تابع: “الموضوع لا يتسحق من الإعلام المحترم الحديث فيها”. مؤكدا على أنه يهاجم أي مهرجان يتخذ الشكل ويتعدى المضمون.

أشار إلى أنه يوجد مهرجانات محترمة وتهتم بمجالاتها، مضيفا: “أنا مش ضد الملابس اللي فيها عُري.. النقطة دي بتجاوزها بس بقول تبقى لايقة عليهم.. إنما بيبقى فيه اختراعات وخزعبلات ملهاش معنى وضد الذوق العام.. وبنلاقي الناس بتنتقدنا كلنا وتنتقد الفنانين”.

وعن اتهامه بأنه يهاجم تلك النوعية من المهرجانات بسبب عدم تكريمه بها، قال: “أنا لو اتكرمت في المهرجانات دي مكنتش هروح، واتعرض عليا التكريم ورفضت أنا مروحش تكريم إلا إذا كان هناك حيثيات للتكريم، لكن المهرجانات اللي بتدعو الفنانين بحجة تكريمهم عشان يتواجدوا دا للرواج، ولكن أنا مش مستني حد يكرمني عشان امتدحه”.