حسن العدل عن المهرجانات السينمائية في مصر: شبه المولد
قال الفنان حسن العدل، إنه يرى أن معظم المهرجانات السينمائية في مصر أصبح تنظيمها أشبه بعروض الأزياء والموالد.
تابع “العدل” خلال لقائه مع برنامج “ونقول كمان” مع ياسمين الخطيب، المذاع عبر شاشة “النهار“، أنه لم يشارك في أي من المهرجانات الفنية المصرية مؤخرا لعدم اقتناعه بطريقة تنظيم فعالياتها.
نرشح لك: من الريحاني لرمضان.. ميزان العدل في الخروج عن النص
أوضح: “مروحتش مهرجان الجونة ولا مهرجان القاهرة ومجاليش دعوة، بس حتى لو جالي هروح أعمل إيه؟ مش هقف استعرض نفسي وأتصور الكلام ده مبيحصلش حتى في مهرجان كان ولا الأوسكار، أه ممكن الفنان يمضي للمعجبين أوتوجراف أو يسلم عليهم.. ده أقصى حاجة”.
أضاف: “موجود التقاط صور في المهرجانات العالمية بس مش بالشكل الأوفر ده، هو أنا جاي أحضر عرض أزياء؟ ده مهرجان سينما قوي عن الثقافة والعلم.. فيه ناس عمرهم ما مثلوا في فيلم وتلاقيهم موجودين”.
أردف: “معظمها بقى مولد، دول مبيحضروش الندوات مثلا لو فيه ندوة ثقافية، لكن لو فيه مكان فيه التقاط صور تلاقيهم موجودين.. لو السينما بالشكل ده يبقى بلاها سينما”.
في سياق آخر، قال الفنان حسن العدل، إنه يرى أن الفنان محمد رمضان عليه مراجعة تصرفاته وسلوكياته لأنه فنان، والفنان قدوة للجمهور.
تابع: “لو أنت بتحب الفن المسرحي، مثل بس وخلاص وقدم شىء كويس يغير في البشر، أعمل شىء ربنا هيحاسبك عليه في الآخر، الفنان ده رسالة بيقدمها، يعني ممكن سلوك بعمله يغير في الناس لأحسن أو لأوحش، فدي كلها في ميزان حسناته أو سيئاته، لازم يراجع نفسه كويس على المستوى الفني وتصرفاته، وفي سلوكه أكتر”.