مبروك عطية يحذر من كشف أسرار البيوت

قال الشيخ مبروك عطية، إن البيوت عورات ولها حرمة دينية، ولا يجب اختراقها ونشر أسرارها.

تابع “عطية” خلال لقائه مع برنامج “يحدث في مصر” مع الإعلامي شريف عامر، عبر شاشة “mbc مصر”: “البيوت عورات وفكرة حرمة البيت دينية وليست اجتماعية، واطلاعك علي بيت صاحبك أو أخوك لا ينبغي أن تذيعه بحال من الأحوال، ولو دققنا النظر في تراثنا وشوفنا مثلا بيوت النبي صلى الله عليه وسلم، ممكن أعد آلاف الصفحات وهتلاقي لم يذكر فيها مكان تواجد النبي أو وصف دقيق لبيته”.

نرشح لك: بيان تفصيلي عن حالة الطقس حتى الاثنين المقبل

أضاف: “البيت مش جدران وبس، البيت جدران وحوارات وأحاديث، والله سبحانه وتعالى جعل البيت اسمه الحقيقي “ستر”.. إزاي الستر يتكشف؟”.

في سياق آخر علق الدكتور مبروك عطية، على واقعة الطالبة بسنت خالد، التي أقدمت على الانتحار في إحدى قرى محافظة الغربية، بسبب تسريب صور “مفبركة” لها، من قبل بعض شباب القرية بهدف ابتزازها.

قال “عطية” خلال برنامج “يحدث في مصر” المذاع على شاشة MBC مصر ويقدمه الإعلامي شريف عامر: “بسنت الله يرحمها ضحية حاجتين، الحاجة الأولى العيال اللي فبركوا والتحقيقات شغالة ربنا ينور بالعلم وبالقضاء”.

واصل: “والحاجة التانية المجتمع كله اللي خلاها تقبل على الانتحار لأن محدش هيرحمها، كلمة محدش دي تشمل المجتمع كله، الثقافة لازم تتغير، الخطاب الديني لازم ينهض، لازم نعرف الناس إن فيه عبادة تانية غير الصلاة، إن فيه عبادة لرب العالمين اسمها الستر”.

أوضح: “الستر ده لو وقع في أيدك فضيحة أو مشكلة، إنما أنت اللي بتعمل المشكلة وتفبرك وتنشر؟! ده مفيش كلام يشيل ذنب انتحارها”.

MBC مصر الإعلامي شريف عامر الشيخ مبروك عطية رئيسية يحدث في مصر