سمية الخشاب: الراجل اللي يشترط أقعد في البيت مرفوض
أكدت الفنانة سمية الخشاب، أنها على علاقة جيدة بالفنانات غادة عبد الرازق ورانيا يوسف والمقارنة بينهم صعبة، قائلة: “أنا ورانيا يوسف وغادة عبد الرازق مفيش حد زي حدا وفى ناس بتطلع وترجع تقعد شويه وده العادي وطبيعية الحياة وفي مستويات حبه فوق وحبه تحت”.
وأوضحت “الخشاب”، خلال حوارها ببرنامج “حبر سري” مع الإعلامية أسما إبراهيم، على قناة القاهرة والناس، أن كل مرحلة تفرض عملها والانتشار مراحل، مضيفة: “أنا بحب رانيا وغادة وأتابع زملائي ورانيا في مرحلة انتشار وتتعرف اكثر لحد ما توصل لمرحلة انها تبقى مش عايزة تشتغلي كتير وتعمل عمل واحد أفضل”.
نرشح لك: سمية الخشاب عن عمر كمال: أنا ناجحة من غيره
وعن حال اشتراط شخص عليها ترك عملها مقابل الزواج والأسرة، ردت قائلة: “الجواز والخلفة ده نصيب وملوش علاقة بحاجة وفي ناس كتير مشهورة وعندها بيت وأولاد والحاجات دي بتاعت ربنا ولو جه راجل اشترط يقعدني في البيت ده مرفوض ليه يتشرط عليا ده انا اللي اتشرط عليه”.
