هدى المفتي لمنتقدي "أصحاب ولا أعز": "بنرجع لورا"
هاجمت الفنانة هدى المفتي منتقدي فيلم “أصحاب ولا أعز”، المعروض على منصة “نتفليكس”، بطولة الفنانين منى زكي، وإياد نصار، وجورج خباز، وديموند بو عبود، وعادل كرم، ونادين لبكي وفؤاد يمين.
قالت “المفتي” عبر خاصية “الاستوري” على حسابها الرسمي على “إنستجرام”: “عندي فكرة فيلم واقعية طازة، بنت اتنين كلاب ركبوا لها صور وهددوها فخافت وانتحرت.. تحفة مش كده؟”.
نرشح لك: بسبب أزمة “أصحاب ولا أعز”.. مراد مكرم يقدم 3 حلول
أضافت: “احنا بنرجع لورا وخايفين نشوف الحقيقة، والمشاكل اللي بتتقدم بقت سطحية، بقينا نركز الممثل لابس إيه وسايبين المحتوى اللي هو أهم من أي حاجة”، متابعة: “بقى في نوع من الغل والازدواجية في نقد المحتويات اللي بتتقدم حابين نشوف السطحية والتفاهة عاوزين نطلع جيل في قشرة طين على مخه”.
أردفت: ” والفكرة إن الناس ناسية أفلام الأبيض والأسود، وناسية أفلام تانية كتير، كان المحتوى اللي فيها ساخر وأكتر جرأة، وكان بيكشف جزء كبير بيتكلم عننا وبيلمسنا، عشان كده بنقول مفيش زي أفلام زمان.
استطردت قائلة: “دا عشان الممثل بقى متحجم، يقدم حاجة مختلفة، والكاتب بقى عامل ألف حساب، أنا مش ضد النقد البناء اللي بيرفض فكرة في منتهى الإحترام، ولكن ضد الغل والازدواجية والذكورية اللي بتشوه النفوس قبل الأفكار”.
فيلم “أصحاب ولا أعز” مأخوذ عن الفيلم الإيطالي «Perfect Stranger» وتدور أحداثه حول 7 أصدقاء يجتمعون على العشاء، ويقررون أن يلعبوا لعبة، حيث يضع الجميع هواتفهم المحمولة على طاولة العشاء، بشرط أن تكون كل الرسائل أو المكالمات الجديدة على مرأى ومسمع من الجميع، وسرعان ما تتحول اللعبة التي كانت في البداية ممتعة وشيقة إلى وابل من الفضائح والأسرار التي لم يكن يعرف عنها أحد بمن فيهم أقرب الأصدقاء، ويجسد الفنان اللبناني فؤاد يمين شخصية مثلي جنسيا يخفي الأمر عن أصدقائه.