بسبب كثرة انتقاله بين عدة مدارس.. ويجز: أنا أناني
سالي فراج ويجز
كسف مغني الراب، أحمد علي الشهير بـ “ويجز”، عن تفاصيل حياته خلال فترة الطفولة.
قال “ويجز” خلال “، مساء اليوم مع الإعلامي الإماراتي أنس بوخش الذي يُذاع على قناته الرسمية على “يوتيوب“، إن طفولته كانت قاسية، مضيفا أن ذلك كان ضروري لكي يصبح الشخص الذي أصبح عليه الآن.
نرشح لك: ويجز: “نفسي أشتغل مع فنانين كتير”
تابع: “يعني أنا فاكر ايام معينة كان ممكن يبقا معايا 20 جنيه في اليوم، 50 جنيه في اليوم، بس مش هقول لحد هات حاجة وهشتغل وده اللي بيوفرهولي شغلي فمضطر أتعايش عليه، فأنا دلوقتي مش عايش كده خالص فأنا مش عايز حاجة، فأي اكسترا مش عايزها أنا تمام أوي من زمان أوي من أول 100 جنيه”.
استكمل: “أنا كنت بحب أقرأ، كنت بحب أكتب، كنت بحب أسمع مزيكا، كنت بحب أروح أتفرج على ماتشات الكورة مع إني مكنتش بعرف ألعب خالص، بس بحب الجو ده”.
تابع: “دايما كانت مدرستي جنب البيت ومقعدش في مدرسة أكتر من 3 سنين، كنت كل شوية بنقل مدرسة فأنا مضطر أصاحب شباب عارفين بعض مثلا من 3 سنين وهما في سنة تالتة وأنا في نص الترم جاي جديد، فاضطريت، وكنت ذكي اجتماعيا، ادخل جنب أي طفل احس إنه روش ونفتح موضوع وكنت بنخرط، اديني شهر بس، كنت اجتماعي طفل متحدث، كنت بتنقل بسبب ظروف شغل الوالد”.
إن ده خلاني شوية أناني، مضطر برضو هعمل إيه، أنا دلوقتي شخص مش هقدر استثمر في العلاقة دي أكتر من كده، في المجمل لو أنا بتكلم على علاقات اجتماعية فأنا كنت بتنقل وأنا صغير فمش عارف اصاحب حد، لاء هو أنت لما بتكبر بتبقى مش محتاج تكون لازق في حد، يعني خلاص مسمى صحاب ده هيفضل موجود لحد ما يحصل خلاف بغض النظر هشوفك امتى، ده بالنسبة لي مبحسش إني لازم ابقى في وش حد أو حد في وشي”.
الجدير بالذكر أن ويجز شارك في مسلسل “بيمبو”، الذي يُعتبر أول عمل درامي له، والذي عُرض عبر منصة “شاهد”، من إخراج عمرو سلامة وعمر رشدي، ومن بطولة أحمد مالك، هدى المفتي، ملك الحسيني، سليمان عيد ومجموعة من الضيوف منهم بيومي فؤاد، رزان مغربي، سينتيا خليفة وآخرين. وضع الفكرة وقام بتأليف القصة محمد أديب، وشاركه في كتابة السيناريو والحوار كل من خالد خلة، منة فوزي، ريم الدسوقي وعبد العزيز النجار.